நண்பர் ஜமாலனுடன் அனானி1இன் கம்யூனிஸ விவாதம்

ஜமாலனின் பின்னூட்டம் இங்கே. (முந்தைய பதிவிலும் அவரது பின்னூட்டம் மேற்கோளாக காட்டப்பட்டுள்ளது)
அதற்கான அனானி 1இன் பதில் இங்கே

Anonym said...
அன்புள்ள ஜமாலன்,
வணக்கம். நான் பழைய அனானி.
அனானிகளையும் இந்தப் பின்னூட்டத்தில் நீங்கள் இழுத்து ரெண்டு சாத்து சாத்தியிருப்பதால் இந்தக் கடிதம்.
உங்கள் பின்னூட்டத்தின் முதல் பாரா தி மு க மேடைப்பேச்சின் "அழகையும்" " ஆணவத்தையும்", " அவசரத்தையும் " ஒருங்கே கொண்டிருந்தது. அபத்தத்தைக் கூட ரசிக்கும்படியாய் வெளிப்படுத்தமுடியும் என்ற தி மு க தத்துவத்தை முதல் பாராவில் நிரூபித்திருக்கிறீர்கள்.

1. ஓட்டை ஜனநாயகத்தின் கீழ் தான் "தெஹல்கா" நடத்திய ஆய்வு வெளிவந்திருக்க முடிந்திருக்கிறது. ரஷ்யாவில் ஓட்டை ஜனநாயகம் வந்தபிறகு தான் கொஞ்சமேனும் ஸ்டாலின், லெனின் அட்க்குமுறைகள் "தெஹல்கா" ஆய்வு போல வெளிவந்திருக்கின்றன. எனவே ஓட்டை ஜனநாயகம் ஆதரிக்கத் தக்கதே. சர்வாதிகாரத்தின் கீழ் சீனாவில் தியனன்மன் அடக்குமுறை, ஃபலுன் காங் அடக்குமுறை , திபெத் ஆக்கிரமிப்பு பற்றிய "தெஹல்கா" ஆய்வு வரவேண்டுமெ என்றால் சீனாவில் குறைந்தபட்ச ஓட்டை ஜனநாயகமாவது வரவேண்டும் என்று நீங்கள் சொல்வதாய் இதை நான் புரிந்து கொள்கிறேன். அதற்கு முயலுங்கள் அல்லது முயலும் சக்திகளுக்குத் துணையாய் இருங்கள். சர்வாதிகாரத்துக்கும் , ஓட்டை ஜன்நாயகத்திற்கு போட்டி என்றால் ஓட்டை ஜனநாயகத்திற்கே நாம் ஓட்டுப் போட வேண்டும் இல்லையா? ஏனென்றால் ஓட்டை ஜனந்நயகத்திலிருந்து உண்மையான ஜனநாயகத்திற்கு எப்போதாவது போகலாம் என்ற வாய்ப்பு இருக்கிறது. ஆனால் சர்வாதிகாரத்தின் கீழ் அந்த வாய்ப்பு இல்லை.

2. பொது மக்கள் என்று யாரும் இல்லை என்று தெரிவித்த கருத்துக்கு நன்றி. இனிமேலேனும், மக்கள் கலை இலக்கியம், மக்கள் ஜனநாயகம் என்ற வார்த்தையை விட்டு விடச் சிபாரிசு செய்யுங்கள். சோஷலிசத்தின் கீழ் யாருமே மலம் அள்ள வேண்டியிருக்காது, ஏனென்றால் எல்லொருக்குமே நிரந்தர மலச்சிக்கல் இருக்கும் என்று புரிந்து கொண்டேன்.

3. அப்பாவி மக்களை நக்சல்பாரிகள் கொன்றதில்லை என்று ஒரே போடாய்ப் போட்டுவிட்டீர்கள். செத்தவர்களை விசாரிக்கவா முடியும்? நக்சல்பாரிகள் கொன்றால் அவர்கள் மக்கள் விரோதிகள் தான் என்று லேபல் ஒட்டிவிடலாம்.

4. உங்கள் வன்முறைப் பட்டியல் சுவாரஸ்யமானது. இந்திய சர்வதேச கொலைப் பட்டியலை விடவும் ஸ்டாலின் , மாஒ கொன்றவர்களின் எண்ணிக்கை அதிகம் அல்ல என்பதால், மாஒ ஸ்டாலின் செய்த கொலைகளைப் பற்றிப் பேசக் கூடாது என்பதும் கூட தர்க்க ரீதியாய்ச் சரியாய்த்தானிருக்கும். ஆனால் உங்கள் பட்டியலில் பாருங்கள் மிக கவனமாக தாலிபன் அரசு நிஅகழ்த்திய படுகொலைகளும், பாகிஸ்தானிலும் காஷ்மீரிலும் ஜிகாதிகள் பண்ணிய கொலைகளும் விடுபட்டிருக்கின்றன. ஒருவேளை ஸ்டாலின் ,மாஒ போல இஸ்லாமிய பயங்கரவாதிகளும் "எதிரிகளை" உன்னத நோக்கத்திற்காகக் கொல்வதாய் நீங்கள் நினைக்கிறீர்கள் என்று புரிந்து கொள்ளலாமா?

5. நீங்கள் இட்ட கொலைப் பட்டியலில் இரண்டு விதமான கொலைகள் உள்ளன. ஒன்று போரின் போது நிகழ்ந்த கொலைகள் . இரண்டாவது தன்னுடைய மக்களை - ஏதோ ஒரு காரணத்திற்காக, முக்கியமாய் தம்மைக் காட்டிலும் கீழானவர்கள் (யூதர்கள், நாட்டின் பூர்வகுடிகள், இஸ்லாமியர்கள் அல்லாதவர்கள் ) என்ற இனவாதக் காரணத்திற்காகக் கொல்லப் பட்டவர்கள். இப்படிப் பட்ட இனவாதக் கோட்பாட்டின் ஓர் அங்கம் தான் கம்யூனிசக் கொலைகள். யூதன் என்று ஒரு லேபிளுக்காக அல்லது சோஷலிச விரோதி என்ற லேபிலுக்காகக் கொல்லப் பட்டவர்கள் எல்லாம் தனக்குத் தான் மற்றவனின் உயிரை எடுத்து உலகைக் காப்பாற்றும் உரிமை இருக்கிறது , என்ற கோட்பாட்டின் கீழ்க் கொல்லப் பட்டவர்கள். போரில் கொல்லப் பட்டவர்களை இந்தப் பட்டியலில் சேர்க்க முடியாது. ஏனென்றால் போர்க் கொலைகள் வரலாற்றில் நெடுக நிகழ்ந்து வருபவை.

6. மக்கள் நலனில் நாட்டம் உள்ள அரசு ராணுவத்திற்கும், காவல் துறைக்கும் எப்படி செலவு செய்யாமல் இருக்க முடியும்? நக்சல்பாரிகளின் கொலை வெறியிலிருந்து, திருட்டு, கொள்ளை போன்றவற்றிலிருந்தும் மக்களைக் காப்பாற்ற வேண்டிய பொறுப்பு அரசுக்கு இல்லையா? சோஷலிச அரசில் ராணுவமும், காவல்துறையும் உதிர்ந்து போயிற்றா? சிறைச்சாலைகள் மூடப்பட்டு விட்டனவா?

7. இன்றைய வாழ்கை சிறந்தது என்று யாரும் வாதிடவில்லை. நிச்சயம் உழைக்கும் மக்கள் மட்டுமல்ல எல்ல மக்களும் வாழ்க்கை வசதிகள் பெற்று வாழ உரிய முயற்சிகள் செய்யப் படவேண்டும். ஆனால் வன்முறை மூலம் அந்த முயற்சிக்கான தடைகளை உருவாக்கிக் கொண்டிருப்பதால், மக்கள் வரிப்பணம், மக்கள் நலனிற்குச் செலவிட வேண்டிய வரிப்பணம், காவல் துறை முயற்சிகளில் வீணாகிறது.

8. என் கேள்வி ஏன் வாக்குரிமை அரசியலையும் உங்கள் ஆயுதமாய் எடுத்துக் கொள்ளக் கூடாது என்பது தான். ஏற்கனவே பீஹார் போன்ற மாநிலங்களில் நக்சல்பாரிகள் வாக்குப்பெட்டி அரசியலில் ஈடுபட்டு வருகிறார்களே.

9. மார்க்சியம் மத நம்பிக்கையாய் இருந்துவிட்டுப் போகட்டுமே என்று நீங்கள் சொல்வது ஒப்புக் கொள்ளத்தக்கதே. மதம் வெறியாய் மாறி பயங்கரவாத தாலிபனாய் உருவாகாத வரையில் நிச்சயம் நம்பிக்கைகளுக்கு - அவை மூட நம்பிக்கையாய் இருந்தாலும் - ஜனநாயகத்தின் கீழ் இடம் உண்டு. ஜனநாயக சமூகம் நம்பிக்கைகளில் எது சரி எது தவறு என்று தீர்மானிப்பதில்லை.

நன்றி


பழைய அனானி.

12. November 2007 08:05

ஜமாலனுடன் என்னுடைய கம்யூனிஸ விவாதம்

//ஜமாலன் said...
வாக்குப்பொறுக்கி அரசியலின் ஏகப்பிரதிநிதியாகி இந்திய ஓட்டை ஜனநாயகத்தை (பார்க்க தெகல்ஹா) தனது வாத்திறமையால் அடக்க வந்த வாதவூரான் நரியை பரியாக்கி மாணிக்கவாசகத்தின் வாரிசாக.. இங்கும் தனது மாய்மாலங்களைக் காட்ட அல்ல ஆட்ட வந்துள்ள அணாணிகளக்கும் அவர்களக்கு மஞ்சம் விரிக்கும் அஞ்சா நெஞ்சன் அண்ணண் தமிழ்மணி அவர்களுக்கும்.

//

வாக்குப்பொறுக்கி அரசியலில் ஏகப்பிரதிநிதி நானல்ல. இந்தியாவில் ஓட்டுப்போடும் அனைவரும் வாக்குப்பொறுக்கி அரசியலின் பிரதிநிதிகளே.

மற்றபடி, மாய்மாலங்கள்,ஆட்டவருவது, மஞ்சம் விரிப்பது, அஞ்சாநெஞ்சன், அண்ணன் ஆகிய உங்களது வசையாடல்களை நிராகரிக்கிறேன். இவைகள் உங்களது வாதங்கள் அல்ல என்பதால், உதாசீனம் செய்கிறேன்.

//
முதலில் நான் ம.க.இ.க. இல்லை. என்றாலும், ம.க.இ.க.-வின் பிரச்சாரகராக தாங்கள் மீள்பதிவிட்ட பகுதிகளுக்கு பாராட்டுக்கள். இல்லாவிட்டால் அதை நான் படித்திருக்க வாய்ப்பில்லை. நன்றி.
//

எப்பொருள் யார்யார்வாய் கேட்பினும் அப்பொருள் மெய்ப்பொருள் காணவேண்டும் அல்லவா, நன்றி.

//
உங்க பஞ்சாயத்தில் நீங்கள் என்னையும் இழுப்பதால். இந்தமாதிரி ஒன்டே மாட்செல்லாம் பலகாலமா விளையாண்டு வெறுத்த விட்டதால். ஆட்டைக்கு நா போறதில்ல. இருந்தாலும், மாஞ்சு மாஞ்சி வரிக்க வரி எதிர்த்து எழுதப்பட்டுள்ள உங்களின் வாதத்திறமை கண்டு மெச்சியே இது எழுதப்படுகிறது. எல்லா வரிகளின் இறுதியையும் பேசாமல் "இல்லை" என்கிற சொல்லை மட்டும் இணைத்திருந்தாலே எல்லா கட்டுரைகளையும் மறத்துவிடலாம். அது எதுவாக இருந்தாலும். ஆணால் நீங்கள் அப்படி செய்யாமல் மெனக்கெட்டு தட்டச்சு செய்த அந்த விரல்களுக்கு தங்க காப்புதான் போட வேண்டும்.
//

இல்லை நான் உங்களை இழுக்கவில்லை. நீங்கள்தான் முதலில் என் பதிவில் வந்து பதில் எழுதினீர்கள். ஆகவே உரையாடுபவர்கள் வரிசையில் உங்கள் பெயரையும் கொடுத்து மரியாதை செய்திருக்கிறேன்.

//
உங்கள் மொத்த கட்டுரையும் ஒரே ஒரு தர்க்கத்தின் மீதுதான் கட்டப்பட்டிருக்கிறது. அது.. நக்சல்பாரிகள் அப்பாவியான மனிதர்களை கொல்லும் கொலைவெறியர்கள் என்பது. மார்க்சிய-லெனினியு-மாவோசியம் என்பது அரசுக்கும் அதிகார மற்றும் ஆளும் கேடுகெட்ட பின்-முன்-நவ காலனிய தரகு முதலாளிய நிலபிரபுத்துவ சக்திகளுக்கும் எதிரானது. அது அப்பாவி மக்களக்கு அல்ல. அப்பாவி மக்களை அது கொன்றதும் இல்லை.
//

நக்ஸல்பாரிகள் மட்டுமல்ல, கம்யூனிஸ சித்தாந்தமே அப்படிப்பட்டதுதான்.

அந்த சித்தாந்ததின் கீழே தான் இருப்பதாக கூறும் அனைவருமே வன்முறை மூலம் அதிகாரத்தை பெறுவதை அடித்தளமாகவும், தான் கொண்ட கொள்கையாகவும் கொள்பவர்கள். கார்ல்மார்க்ஸ், எஞ்செல்ஸ், ரோஸா லக்ஸம்பர்க், லெனின், ட்ராட்ஸ்கி, மாவோ, ஸ்டாலின், போல்போட் என்று நீளும் வரிசையில் உள்ள அனைவருமே வன்முறை மூலம் அதிகாரத்தை கைப்பற்றுவதை முக்கியமானதொரு அடித்தளகொள்கையாக கொண்டவர்கள்.

நான் உயரிய நோக்கத்திற்காக கொல்கிறேன் என்றுதான் எல்லா வன்முறையாளர்களும் கூறுகிறார்கள். அப்பாவி மக்கள் என்பது ஆயிரக்கணக்கான சந்தர்ப்ப சூழ்நிலைகள் காரணமாக மந்திரியின் மகனாகவோ, அல்லது ஏழையின் மகனாகவோ, புரட்சிக்காரனின் மகனாகவோ, அல்லது கொலைகாரனின் மகனாகவோ பிறந்த அனைவரும் சேர்ந்ததுதான். வீரப்பனின் மனைவிக்கும் இந்த நாட்டில் தேர்தலில் நிற்கவும் ஓட்டுக்களை கேட்கவும் சுதந்திரம் உண்டு. அவர் வீரப்பனின் மனைவி என்பதற்காகவே கொல்லப்பட்டால் எதிர்த்து குரல் கொடுக்கவும் இந்த நாட்டில் உரிமை உண்டு. அந்த உரிமை இருக்கவேண்டும். அதற்காகத்தான் ஜனநாயகம்.

//
பொதுமக்கள் என்று பேசுவது ஒரு மாய்மாலம். பொதுமக்கள் என்றெல்லாம் யாரும் இல்லை. நமக்கிடையே பொதுவானது என்று எதுவம் இல்லை எனும் போது எப்படி பொதுமக்கள் இருப்பார்கள். ஒருவன் மலம் அள்ளுகிறான் ஒரவன் மலர்படக்கை குத்துவதாக புகார் கூறிக்கொண்டுள்ளான் இதில் எது பொது. தவிரவும் பொதுமக்கள் என்பது மக்களை ஏய்க்க முதலாளித்துவம் கண்டுபிடித்த ஒரு யுத்தி. அப்பதான் தனது வயித்து வலியெல்லாம் பொதுமக்கள் வலியாக காட்டி ஏய்த்து ஏப்பம் விடலாம்.
//

பொதுவானது இருக்கும்போதுதான் பொதுமக்கள் என்பது வினோதமான வாதம். அப்படி பொதுவானது என்று பார்த்தால், எல்லோருக்கும் மூளை இருக்கிறது, கை கால் இருக்கிறது உயிர் இருக்கிறது என்று சொல்லலாம். மலம் அள்ளுபவனாக இருந்தாலும் மலர்படுக்கையில் புரள்பவனாக இருந்தாலும் அவன் மனிதனே. மலம் அள்ளுபவனுக்கும் மலர் படுக்கையில் படுக்க விரும்பினால், அதற்காக தன் தொழிலை மாற்றிக்கொள்ள விரும்பினால் அதற்கான உரிமையும் வாய்ப்புக்களும் இருக்க வேண்டும். அப்படிப்பட்ட எல்லோருக்குமான வாய்ப்புக்கள் இருக்கவேண்டும் என்பதற்காகத்தான் இந்த ஜனநாயகம். ஒரு குடிசையில் தாழ்த்தப்பட்டவனாக பிறந்தாலும் இங்கு ஜனாதிபதி ஆகலாம், அல்லது ஒரு பன்னாட்டு கம்பெனியின் முதலாளி ஆகலாம், சிறந்த விஞ்ஞானி ஆகலாம் என்பது இந்த ஜனநாயகம் கொடுக்கும் உறுதிமொழி. அது முழுவதும் நிறைவேற்றப்பட்டுவிட்டதா என்றால் நிச்சயம் இல்லை. ஓரளவுக்கேனும் நிறைவேற்றப்பட்டுள்ளதா எனில், நிச்சயம் ஆமாம் என்றுதான் கூறவேண்டும்.

பொதுமக்கள் என்று ஒன்றும் இல்லை என்று நீங்கள் கூறுவதன் காரணம் எனக்கு விளங்குகிறது. அதாவது ஒருவன் தொழிலாளியாக உழைத்து ஓடாக போகவேண்டும். அப்படி அவன் புதியதாக எதையாவது கண்டுபிடித்தோ அல்லது சிறப்பாக வேலை செய்தோ, தன் மூளையை உபயோகித்தோ முதலாளியாக ஆகி அவன் பலருக்கு வேலை வாய்ப்பை கொடுக்க முனைந்தால், அவன் கொல்லப்பட வேண்டும். அவன் அப்போது கேடுகெட்ட முதலாளி ஆகிவிடுகிறான்.

//
சரி நக்சல்பாரிகள் இதுவரை எத்தனை பொதுமக்களைக் கொன்றார்கள்? எந்த பொதுமக்கள் உங்களிடம் வந்த பிராது கொடுத்தார்கள்? வன்முறை போராட்டம் என்பதெல்லாம் ஒரு உடலின் உட்செறிக்கப்பட்டள்ள உணர்வுகள். நீங்களோ நானோ பிறக்கும் பொழுதே லட்சக்கணக்கான சக உயிரணுக்களை கொண்றுதான் பிறக்கிறோம். ஒரே ஒரு விந்தணு நானோ அல்லது நீங்களோ மற்ற லட்சக்கணக்கான விந்தனுவை வாலால் அடித்து கொண்று விட்டுத்தான் கருப்பையில் நுழைகிறோம். ஆக, அப்பழக்கற்ற அமைதி என்கிற மாயையை உருவாக்க வேண்டாம். மனிதனுக்கள் உட்செறிக்கப்பட்டிருக்கும் வன்முறை என்பது பல வடிவங்களைக் கொண்டது. அவற்றை அடியோடு ஒழிப்பதற்கான திட்டம்தான் மார்க்சியம்.இப்பொழுது நீங்கள் எழுதும் மறுப்பும் அதன் ஒரு வடிவம்தான்.
//

கொல்லப்பட்டவர்கள் எப்படி பிராது கொடுப்பார்கள். தினந்தோறும் செய்திகள் வருகின்றன. கம்யூனிஸ்ட் என்று தங்களை கூறிக்கொள்ளும், நேபாள மாவோயிஸ்டுகளிலிருந்து, பெங்கால், ஜார்க்கண்ட், பிகார், ஆந்திரா தமிழ்நாடு என்று பரவும் நக்ஸல்பாரிகளிலிருந்து, உல்பா கம்யூனிஸ்டுகளிலிருந்து, வடகிழக்கு பயங்கரவாதிகளிலிருந்து நடுத்தெருவில் சந்தையில் என்று குண்டுவைக்கும் பயங்கரவாதிகள், துர்கா பூஜை பந்தலில் குண்டுவைக்கும் கம்யூனிஸ்டுகள் என்று தினந்தோறும் செய்திகள் வருகின்றன. அவைகள் எல்லாம் தீர்க்கப்படவேண்டிய வர்க்க எதிரிகளே என்று நீங்கள் சொன்னால், நான் வேறென்ன சொல்லமுடியும்?

அப்பழுக்கற்ற அமைதி என்பது ஒரு ஜனநாயக நாட்டில் எப்போதும் இருக்கமுடியாது. இருக்கவும் கூடாது. மயானத்திலும், எல்லோரும் ஒரேமாதிரி சிந்திக்க "பழக்கப்போகும்" கம்யூனிஸத்திலோ, அல்லது இயேசுவின் இரண்டாம் வருகை அரசாங்கத்திலோதான் அப்படிப்பட்ட அப்பழுக்கற்ற அமைதி இருக்கும்.

கம்யூனிஸ்டுகளின் வன்முறையை நீங்கள் விளக்குவது அலாதியானது. அதாவது உலகெங்கும் வன்முறை இருக்கிறது. விந்தணுவிலிருந்து வன்முறை இருக்கிறது ஆகவே கம்யூனிஸ்டுகள் வன்முறை செய்வது சரியானது என்ற விளக்கத்தை சற்றே நீங்கள் எதிர்க்கும் வன்முறைகளுக்கும் பொருத்தி "ஓக்கே" சொல்வீர்களா?

மனிதனுக்குள் வன்முறை என்று ஏதும் இல்லை. பெரும்பாலான மக்கள் ஒருவரோடு ஒருவர் ஒத்திசைந்து மற்றவரை மதித்தே வாழ விரும்புகிறார்கள். ஒருசிலர் கம்யூனிஸ்டுகளை போல இருக்கலாம். அதற்கு என்ன செய்யமுடியும்? மற்றவர்கள் மீது வன்முறையை பிரயோகிக்காதவரை உங்களை சகித்துக்கொள்ளவேண்டியதுதான்.

//
ஒருவன் மற்றவனை கொல்வது தர்க்கரீதியாக தவறு என்றால் எதற்காக போலிஸீம் கோர்டும் தண்டனையும். நக்சலைட்டகளைக் கொல்வதும் ஒரு வன்முறைதானே. இன்றைய அமைப்பே மனநோய் கொண்ட அமைப்புதான். இல்லாவிட்டால் கருவில் இருக்கம் குழந்தையை உருவி சூலாயுதத்தால் குத்தி நெருப்பில் இரத்தம் சொட்ட சொட்ட காட்டுவார்களா? இந்த மனநோயாளிகளை உங்கள் வாக்குப்பெட்டி அரசு என்ன செய்தது? உங்களது மக்கள் காவலர்கள்தான் என்ன செய்தார்கள்?
//

தெஹெல்கா இந்த இந்தியாவின் திறந்த சமூகத்தில்தான் சாத்தியமாக ஆகியுள்ளது. அது இன்னும் பலரை இவர்களை வெறுக்க தூண்டும். மனிதர்களின் மனத்தில் உள்ள மனிதாபிமானமே மக்களை மதம், கருத்து தாண்டி அப்பாவியாக கொல்லப்பட்ட மக்களுக்கு இரங்கவும், அப்படி அப்பாவிகளை கொன்றவர்களுக்கு தண்டனை கொடுக்கவேண்டும் என்று சொல்லவும் வைக்கிறது.

தெஹெல்காவுக்கு எந்த இந்தியா சுதந்திரம் கொடுக்கிறதோ அதே சுதந்திரத்தின் வழியாகத்தான் உங்களோடும் நான் விவாதித்துக்கொண்டிருக்கிறேன். ஒரு கம்யூனிஸ நாட்டில் எனக்கு இந்த சுதந்திரம் இருக்குமா? கம்யூனிஸ நாடோ சோசலிச நாடோ இதே போல படுகொலைகளை நிகழ்த்தியபோது, அதன் பத்திரிக்கை வாய் கட்டப்பட்டிருந்தது.மக்களின் கருத்து சுதந்திரம் நசுக்கப்பட்டிருந்தது. அதன் மூலம் மக்களிடம் இருக்கும் மனிதாபிபான உணர்வும் நசுக்கப்பட்டது.

//
நக்சல்பாரிகள் மக்களை கொல்வதில்லை. அதனால்தான் அரசு அவர்களை கொல்கிறது. அதனை நியயாப்படுத்தி நீங்கள் தம்பட்டமும் அடிக்கறீர்கள். அல்லது நரேந்திர மோடி போல மக்களைக் கொன்றால் அரசும் அதிகார ஆயுதத்தால் பயமுறுத்தப்பட்ட மக்களும் வாக்களித்து மோடியை மீண்டும் மீண்டும் ஆட்சியல் அமர்த்துவார்கள். இது ஜனநாயகம் இல்ல ஆயுத பலமும் பணமும் கொண்ட பணநாயகம். சாதி மத பலமில்லாமல் உங்கள் ஓட்டுக் கட்சிகள் மக்களைத் திரட்ட தயாரா?
//

சாதி மத பலமில்லாமல் ஓட்டுக்கட்சிகள் மக்களை திரட்டித்தான் வருகின்றன. கண்களை சற்றே திறந்து பார்த்தால் தெரியும். தலித்துகள் மட்டுமே திருமாவளவனுக்கு ஓட்டு போடுவதில்லை. தனியாக அவர் தேர்தலில் நின்றபோது தலித்துகளின் எண்ணிக்கையையும் தாண்டி அவருக்கு ஓட்டு விழுந்தது. வன்னியர் அனைவரும் பாமகவுக்கு வாக்களிப்பதில்லை. பாமகவுக்கு வாக்களிக்கும் அனைவரும் வன்னியர்களும் அல்லர். எம்ஜியார் என்ன சாதி மத பலத்துடன் தமிழ்நாட்டில் நின்று வெற்றி பெற்றார்? மம்தா பானர்ஜி எந்த சாதி மத பலத்துடன் மேற்கு வங்காளத்தில் கம்யூனிஸ்டுகளுக்கு எதிராக போராடி வருகிறார்?

//
1969-ல் துவங்கிய நக்சல்பாரிகளின் எழுச்சிக்கு பிறகு நக்சல்பாரிகளால் கொல்லப்பட்டவர்களைவிட அரசால் கொல்லப்பட்ட நக்ஸலைட்டுகளே அதிகம். என்கவுண்டர் என்கிற தொழில் நுட்பமே ஆந்திர நக்சலைட்டுகளுக்கு எதிராக கியூ பிராஞ்சால் உருவாக்கப்பட்டதுதான். உதாரணமாக ஒரு கிரிமினல் என முத்திரைக் குத்தப்பட்ட வீரப்பனை முன்வைத்து எத்தனைப்பேரைக் கொன்றது இந்த அரசு. வீரப்பனால் கொல்லப்பட்வர்களைவிட அரச பயங்கரவாதத்தால் செத்தவர்களின் எண்ணிக்கைதான் அதிகம். யூனியன் கார்பைடு கொன்றவர்களைவிட, அமெரிக்க அணு ஆயுதம் கொன்றதைவிட, இந்திரா கொலையில் கொல்லப்பட்ட சீக்கியர்களைவிட, குஜராத்தில் கொல்லப்பட்ட முஸ்லிம்களைவிட, ஹிட்லரால் கொல்லப்பட்ட யூதர்களைவிட, சாதி இந்துக்களால் கொல்லப்பட்ட தலித்துகளைவிட, நாகரீகம் என்கிற பெயரால் கொல்லப்ட்ட ஆதிவாசிகளைவிட ஸ்டாலினும் மாவோவும் கொன்றதாக சொல்லப்படும் மக்கள் எண்ணிக்கை ஒன்றும் அதிகமில்லை. இது எண்ணிக்கை சார்ந்த பிரச்சனை அல்ல. வன்முறை என்பது வரலாற்றினை நகர்த்தி்க் கொண்டிருக்கும் பற்சக்கரம். வன்முறை என்பது ஒரு தொடர் விளையாட்டு அதனை அரசே முன் நின்று துவக்கியது. ஆட்டத்தை பாதியி்ல் நிறுத்த அரசும் தயாரில்லை அவர்களும் தயாரில்லை.
//

வீரப்பனை முன்வைத்து என்கவுண்டரில் சாதாரண அப்பாவி மக்கள்கொல்லப்பட்டனர் என்ற விஷயமும் வந்தது இந்த சுதந்திர ஜனநாயகத்தில்தான். ஆனால், சோசலிஸ்டுகளின் ஆட்சியில் சீனாவில், அப்பாவி உகைர் மக்கள் கொல்லப்பட்டதும், அப்பாவி திபெத் மக்கள் கொல்லப்பட்டதும், நம் ஊர் கம்யூனிஸ்டுகளின் மனத்தில் கூட எந்தவிதமான பாதிப்பையும் ஏற்படுத்தவில்லையே? அது ஏன்? திபெத் மக்கள் கொல்லப்பட்டது அவர்களுக்கு நல்லது என்று மவுண்ட் ரோடில் இருக்கும் ஒரு ஆங்கிலப்பத்திரிக்கை தலையங்கம் எழுதியதே, அது ஏன்? ஏனெனில், கம்யூனிஸத்துக்காக அப்பாவி மக்களை கொல்வது சரி என்பது உங்களுக்கு மனத்தில் ஏறி உங்களது மனிதாபிமானத்தை கொன்றுவிட்டது.

//
மக்கள் நலனில் அக்கறை உள்ள அரசு இராணுவத்திற்கும் காவல்துறைக்கும் செலவழிப்பதன் முரண்பாடு ஏன்? வீரப்பனை ஒழித்ததுபோல் ஏன் நக்சல்பாரிகளை ஒழிக்க முடியவில்லை. அப்படியே கம்யூனிஸத்தை ஒரு மதமாக நாங்கள் நம்பினாலும் அதனை நடைமுறைப்படுத்த உங்கள் ஜனநாயகத்தில் உரிமை இல்லையா? கம்யூணிஸம் அடிப்படையில் கொலைவெறித் தத்துவம் என்று உங்களால் நிரூபிக்க முடியுமா? அப்படியென்றால் வைணவர்களையும் சமண பெளத்தர்களைக் கொன்ற சைவத்தை என்னவென்பது? எல்லா மதங்களும் கொலைவெறித் தத்துவங்கள்தான் என்று நீங்கள் கூறத்தயாரா? உடனே மதம் வேறு மதவெறி வேறு என்று ஜல்லியடித்தால் நீங்கள் கம்யூணிஸம் நல்ல தத்துவம் என்று ஒத்துக் கொள்ள வேண்டி வரும். அதற்காவது தயாரா?
//

உங்களைப்போன்று புரியாத வார்த்தைகளை எழுதும் கம்யூனிஸ்டுகளை பார்த்து, இளைஞர்கள் உங்களை பெரிய அறிவுஜீவிகள் என்று நினைக்கிறார்கள். கம்யூனிஸ்ட் என்றால் ஏதோ புத்திசாலி என்பது போன்ற பிரமையை இங்கே கம்யூனிஸ்டுகளும், கம்யூனிஸ்டு ஆதரவாளர்களும் உருவாக்கி வைத்திருக்கிறார்கள். அதனால், தன்னை புத்திசாலி என்று காட்டிக்கொள்ள ஒரு அப்பாவி இளைஞர் கூட்டம் திசை தவறி உங்களிடமும் நக்ஸல்பாரிகளிடமும் சேர்கிறது.

கம்யூனிஸம் அடிப்படையில் கொலைவெறி தத்துவம் தான். வன்முறை மூலம் அதிகாரத்தை கைப்பற்றலாம் என்று சொல்லும் எல்லா கொள்கைகளும் கொலைவெறி தத்துவங்கள்தான்.

ஒரு மதத்தில், இந்த தெய்வத்தை கும்பிடாதவன் கொல்லப்பட வேண்டும் என்று இருக்கிறதா என்று பாருங்கள். அப்படி இருந்தால் அது கொலைவெறி தத்துவம்தான்.

வர்க்க எதிரிகளை கொல்லுவது சரி என்று மார்க்ஸிஸம், கம்யூனிஸம் கூறுகிறது. ஆகவே அது ஒரு கொலைவெறி தத்துவம்.

//
காலை எழுந்தவுடன் கம்யூணிஸம் ஒழிக. மார்க்ஸ் ஒழிக என்ற பஜனைப்பாடுவதும் ஒருவகை மனநோய்தான். இது அம்ணிஸயா இல்லை பரோணியா.
//

காலையில் எழுந்ததும், கம்யூனிஸம் வாழ்க, மார்க்ஸ் வாழ்க என்று பஜனை பாடுவதும் ஒரு மனநோய்தான். இது நீங்களே உங்களுக்கு செய்துகொண்டால் பரவாயில்லை. ஆனால், சோசலிஸம் வந்ததும், எல்லோரையும் வரிசையில் நிற்கவைத்து சீனத்தில் செய்வது போல, வரிசையில் நிற்கவைத்து, ஒரே மாதிரி மாவோவின் சிவப்பு புத்தகத்தை தூக்கி இறக்கி கம்யூனிஸம் வாழ்க, மார்க்ஸ் வாழ்க மாவோ வாழ்க என்று கோஷம் போட வைப்பதற்கு இவைகளை எதிர்ப்பது பரவாயில்லை, இல்லையா?

//
பயங்கரவாதத்தை அரசு விடுமா? உங்கள் அதீத தர்க்கத்தை அரசுக்கு எதிராக முன்வையுங்களேன். காந்தியின் கதை என்ன? வன்முறை வேண்டாம் என்றார் என்பதற்காக அவருக்கே வன்முறை பரிசாக தரப்பட்டது. உத்தமனாகக் கருதிக் கொண்டு மற்றதை கொலை வெறி மூர்க்கம் என்று பிணாத்துவதில் பயனில்லை. நீங்கள் என்ன ஆயுதத்தை எடுக்க வேண்டும் என்பதை உங்கள் எதிரிதான் தீர்மானிக்கிறான். நீங்களோ நானோ அல்ல. இன்றைய வாழ்க்கை உங்களுக்கு சிறந்தது. ஆணால் அடிப்படை உழைக்கும் மக்களக்கு? அந்த பிரச்சனைக்கு நாம் ஏன் போக வேண்டும் என்கிறீர்களா? இதனை பேசாமல் மேலோட்டமாக நீங்கள் மறுப்பு என்று எதையாவது எழுதிக் கொண்டிருக்க முடியாது.
//

அடிப்படை உழைக்கும் மக்கள் எல்லோரும் ஒரே மாதிரியான உணவையோ ஒரே மாதிரியான பழக்க வழக்கங்களையோ அல்லது ஒரே அளவு சம்பளத்தையோ வாங்கிக்கொண்டிருக்கவில்லை. சென்னையில் இன்னொருவரின் காரை ஓட்டி சம்பாதிப்பவரும், திருத்துறைப்பூண்டியில் கூலி விவசாயியும் ஒன்றல்ல. ஒரே சம்பளத்தையோ ஒரே வசதி வாய்ப்பையோ அல்லது ஒரே வாழ்க்கையையோ, தங்கள் குழந்தைகளுக்கு ஒரே மாதிரியான கல்வியை பெறக்கூடியவர்களோ அல்ல. ஆனால் ஒவ்வொருவரும், தங்களுக்கு அடுத்து என்ன செய்தால் நன்றாக வாழலாம் என்றும், தன் குழந்தைக்கு என்ன நன்மை என்று உணரக்கூடியவர்கள். தங்கள் குழந்தை என்ன படித்தால் வாழ்க்கையில் சிறப்பாக வாழலாம் என்று தெரிந்தவர்கள். அதற்கு நம்மால் உதவ முடிந்தால், கல்வியை பரவலாக்குவதும், வாய்ப்புகளை பரவலாக்குவதும்தான்.

அவர்களிடம் போய் "உங்களுக்கு காலை மாலை சாப்பாடு போடுகிறேன், ஆனால், நான் சொல்லும் பணக்காரர்களை எல்லாம் நீங்கள் கொல்லவேண்டும்" என்று சொன்னால், போங்கடா என்று போய்விடுவார்கள். இதனைத்தானே நீங்கள் சொல்கிறீர்கள்? எல்லா பணக்காரர்களையும் தொழிற்சாலை முதலாளிகளையும் கொல்லவேண்டும், அதுதான் புரட்சி, அதற்கப்புறம் எல்லோருக்கும் சாப்பாடு கொடுக்கப்படும், வீட்டில் விளக்கெரியும், நீங்கள் சொல்வதை இலக்கியம் என்று எல்லோரும் படித்து புல்லரிக்கவேண்டும், இதுதானே? (போல்போட் இன்னும் பல விஷயங்களை செய்தான். அவற்றை இங்கே எழுதினால், படுகேவலமாகிப்போகும். )

வன்முறை வேண்டாம் என்று சொன்னவர் வன்முறையால் இறந்தால், வன்முறை வெற்றி பெற்றுவிட்டதாக அர்த்தமா?

அவர் தானே வன்முறையில் இறங்கினால்தான் அவரது கொள்கை தோற்றதாக அர்த்தம்.

நீங்கள் என்ன ஆயுதத்தை எடுக்கப்போகிறீர்கள் என்பதை நீங்கள்தான் தீர்மானிக்கிறீர்கள். உங்கள் எதிரி தீர்மானித்தான் என்றால், ஆயுதத்தை பிரயோகிக்கும் முன்னாலேயே அவன் ஏற்கெனவே வெற்றிபெற்றுவிட்டான் என்றுதான் பொருள்.

//
உங்களைப்போல வரிக்குவரி எதிர்த்து எழுதுவது என்பது நேரவிரயம்தான். காரணம் விவாதத்திற்கானதோ அல்லது உரையாடுவதற்கானதோ அல்ல உங்கள் மறுப்பு. அது தனது கருத்தை திணிப்பதற்கான முயற்சி. அது பேச்சல்ல போதணை. அதை கேட்டு திருந்தக்கூடிய அணாணிகளும் அல்லக்கைகளும் அல்ல நாங்கள். நாங்கள் என்பது மார்க்சியம் என்கிற நீங்கள் ஒவ்வா என ஒதுக்கும் மதத்தை நம்புபவர்கள். அழகாக திருவண்ணாமலையில் ஒரு தோட்டம் வாங்கி ஆசிரமம் நடத்தலாம். வரிவிலக்கும் உண்டு. நீங்கள்லாம் கூறி திருந்துற ஜன்மங்கள் நாங்க கிடையாது. அம்புடுத்தான். அதுக்கமேலே ஒரு வார்த்தைய நான் நகட்டுல.

உள்ளேன் அய்யா!!!!!! அட்டெண்டன்ஸ் போட்டாச்சு போறுமா?


12. November 2007 03:20
//

எனக்கு நேரவிரயம் இல்லை. இது உரையாடல்தான். உரையாடும் வரைக்கும் உங்களிடமிருந்து நானும் என்னிடமிருந்து நீங்களும் தெரிந்துகொள்கிறோமோ இல்லையோ, நமக்குள்ளாகவே ஒரு உரையாடலை நிகழ்த்துவோம். அது பயனுள்ளது.

அட்டெண்டன்ஸ் போதாது. மேலும் வாருங்கள்.

நக்சல்பாரி 'அபாயம்": அரசை அச்சுறுத்துவது ஆயுதமா, அரசியலா? ம க இ க தலைமைக்கு மக்களில் ஒருவனின் பதில்

துப்பாக்கிகள் வெடிகுண்டுகளுடன் ஜூன் 25 ஆம் தேதியன்று கைதான "தோழர்கள்" பழனிவேல், வேல்முருகன், முத்தமிழ்செல்வன் ஆகியோரும் பிறகு ஜூலை 8 ஆம் தேதியன்று கார்த்திக் ஈஸ்வரன் ஆகியோரும் கைது செய்யப்பட்டனர்.
இதனை பற்றி புலம்பி புதிய ஜனநாயகம் பத்திரிக்கை ஆகஸ்டு 2007 ஆசிரியர் குழு எழுதிய தலையங்கம்:

//நக்சல்பாரி 'அபாயம்": அரசை அச்சுறுத்துவது ஆயுதமா, அரசியலா?//

இந்த கட்டுரைக்கு என் பதில்

//நக்சல்பாரி 'அபாயம்": அரசை அச்சுறுத்துவது ஆயுதமா, அரசியலா?//
கடந்த ஜூன் 25ம் தேதியன்று பெரியகுளம் முருகன்மலைப் பகுதியில் மாவோயிஸ்டுக் கட்சியைச் சேர்ந்த 3 தோழர்கள் கைது செய்யப்பட்டுள்ளனர். பழனிவேல், வேல்முருகன், முத்தமிழ்ச்செல்வன் என்ற இந்த 3 பேரிடமிருந்து துப்பாக்கிகள், கையெறி குண்டுகள் போன்ற ஆயுதங்களும் கைப்பற்றப்பட்டதாக போலீசு கூறுகிறது. மற்ற சிலர் தப்பிவிட்டதாகக் கூறி, சிலருடைய புகைப்படங்களை ஊடகங்களில் வெளியிட்டிருக்கிறது, போலீசு. ஜூலை 8ம் தேதியன்று இரவு சுந்தரமூர்த்தி, கார்த்திக், ஈஸ்வரன் ஆகியோர் திருப்பூரில் கைது செய்யப்பட்டு, போலீசு விசாரணைக்குப்பின் சிறை வைக்கப்பட்டிருக்கின்றனர்.

தப்பியவர்களைப் பிடிப்பதற்கு மதுரை மற்றும் பிற நகரங்களிலும் ""கியூ'' பிரிவு உளவுத்துறைப் போலீசு வீடுவீடாகச் சோதனை நடத்தியிருக்கிறது.

வீரப்பனின் பிணத்தைச் சுட்டுக் கைப்பற்றிய விஜயகுமார் தலைமையிலான அதிரடிப்படை மேற்குத் தொடர்ச்சி மலைப் பகுதிகள் எங்கும் தேடுதல் வேட்டை நடத்தி வருகிறது.

""தமிழகமெங்கும் 70 பேர் கொண்ட 70 ஆயுதக் குழுக்கள்!'', ""பெரியகுளத்தில் ஏ.கே47 துப்பாக்கிகள், ஆயுதப் புதையல்கள், லேப் டாப் கம்ப்யூட்டர்கள்'', ""ஆயுதப்படையில் சேருவதற்குத் தயாராக 600 மாணவர்கள்'' என்று விஜயகாந்த் சினிமாவை விஞ்சும் வகையில் திரைக்கதை எழுதுகின்றன, பத்திரிகைகள். "நக்சல் வேட்டை' என்று போலீசு அராஜகத்தைக் கொண்டாடுவது, விஜயகுமாரையும் உளவுத் துறை போலீசு அதிகாரிகளையும் ஏதோ உயிருக்குத் துணிந்த வீர சாகச நாயகர்களாகச் சித்தரிப்பது, கைது செய்யப்பட்ட தோழர்களை "அவன், இவன்' என்று ஏகவசனத்தில் எழுதுவது என நாலாந்தரமான போலீசு எடுபிடிகளாகவும் பரபரப்புக்காகப் பச்சைப் பொய்களைப் புனைந்து எழுதும் பேனாத்தரகர்களாகவுமே பத்திரிகைகள் செய்தி வெளியிட்டு வருகின்றன.
//

அடேங்கப்பா, உங்கள் பத்திரிக்கையில் மற்ற எல்லோரையும் மிக மரியாதையுடன் விளித்துவிட்டீர்கள்! உங்களை மரியாதையுடன் அவர்கள் குறிப்பிடவில்லை என்பதுதான் ரொம்ப குறை!

//
மாவோயிஸ்டுகள் தமிழகத்தைச் சூழ்ந்திருக்கும் மாபெரும் அபாயம் போல ஒரு சித்திரம் திட்டமிட்டே உருவாக்கப்படுகிறது.
//

இப்படியே மாவோயிஸ்டுகளை விட்டால், அது தமிழகத்தை சூழ்ந்திருக்கும் மாபெரும் அபாயமாக ஆகிவிடுவார்கள் என்பது சரியான கூற்று. ஏமாந்த இளைஞர் உங்களுடைய ‘கவர்ச்சிக் காட்சிகளை’ நம்பி உங்கள் பின்னே போய் துப்பாக்கி ஏந்தி எவராவது ஒரு கிராம வாசியைச் சுட்டுத் தள்ளிக் கிரிமினலாக மாறிப் பின் போலிசால் சுடப்பட்டு இறக்க நேரிடும் அவலத்தைத் தவிர்க்கவும்தான் உங்களால் ஏற்படக் கூடிய அபாயம் எல்லாம் உருப்பெருக்கிக் காட்டப் படுகிறது என்று ஒருமுறையாவது தோன்றியதோ உங்களுக்கு? அதெப்படித் தோன்றும். பிரச்சினையாக இருந்துதானே பழக்கம் உங்களுக்கு. விடையாக இருந்தே பழக்கமில்லையே. இந்த முறை விடை உங்களை இருந்த இடம் தெரியாமல் ஆக்குவதுதான் ஏனெனில் நீங்கள் மற்றவர்களை அதே வழியில்தான் அணுகுகிறீர்கள்.

// எனினும் இந்தத் "தேடுதல் வேட்டை'க்குத் தலைமை தாங்கும் விஜயகுமார், நாஞ்சில் குமரன் போன்ற போலீசு அதிகாரிகள் ""அச்சப்படும் அளவுக்கு தமிழகத்தில் மாவோயிஸ்டுகள் வளர்ந்துவிடவில்லை'' என்று கூறுகின்றனர். கியூ பிரிவு எஸ்.பி. அசோக்குமார் ""தமிழகத்தில் மாவோயிஸ்டுகளின் எண்ணிக்கை 25 முதல் 35 வரை இருக்கலாம் என்பது எங்கள் கணக்கு'' என்று பேட்டி கொடுக்கிறார். ""கைப்பற்றப்பட்டுள்ள ஆயுதங்கள் மிகச் சாதாரணமானவை'' என்றும் போலீசே கூறுகிறது.
பிறகு ஏன் இந்த ஆரவாரம்? பெரியகுளத்தில் வேட்டை, குற்றாலத்தில் வேட்டை, கொடைக்கானலில் வேட்டை, தருமபுரியில் வேட்டை என்று விஜயகுமாரின் காட்டு சீன் ஸ்டில்கள், சினிமா ஸ்டில்களைப் போல அன்றாடம் பத்திரிகைகளுக்கும் தொலைக்காட்சிகளுக்கும் வழங்கப்படுவது ஏன்? பெரியகுளத்தில் நிரந்தரமான அதிரடிப்படை முகாம் எதற்கு?
//

ஏனெனில் ஆயுதம் தாங்க முற்பட்டுவிட்ட ஒரு குழு இன்றைக்கு ஒரே ஒரு கைத்துப்பாக்கிதான் வைத்திருக்கிறது என்று தூங்கவா முடியும்? இளையதாக முள்மரம் கொல்லவேண்டும் இல்லையா? மேலும் ஒரு இடத்தில் உள்ள கும்பல் கையில் ஆயுதம் பெரிதாக இல்லை என்பதால் இதர காடுகளில் அவர்களே போன்றவர் இல்லை என்று எடுத்துக் கொள்ள முடியுமா? அல்லது மேலும் கனரக ஆயுதங்களள எங்காவது ஒளித்து வைத்து இருப்பீர்கள் என்று அவர்கள் யோசிக்கக் கூடாதா? நீங்கள் போலிஸ் அதிகாரியாக இருந்தால் எதிராளி தன் அலுவலக வாயிலில் கன ரக பீரங்கி, டாங்கி மேலும் அணு ஆயுதத்துடன் வந்து நின்ற பிறகுதான் செயலில் இறங்கலாமா வேண்டாமா என்று யோசிப்பீர்களோ? அல்லது உங்கள் ஆட்சியில் எதிர்புரட்சியில் இறங்குகிறது ஒரு ஆயுதக்குழு என்றதும், நீங்களும், கையை கட்டிக்கொண்டு கனரக பீரங்கி டாங்கியுடன் வரும்வரை "தோழர்கள்" என்று மரியாதையுடன் அழைத்து, சும்மா ஐந்து பேர்கள் கைத்துப்பாக்கியை வைத்திருக்கிறார்கள், இதற்கு போய் என்ன அலம்பல் என்று சும்மா இருப்பீர்களா?

//
இது போலீசின் வழக்கமான விளம்பர மோகம் அல்ல; மக்களை அச்சுறுத்திப் பணிய வைக்கும் அரச பயங்கரவாதம். "நக்சல்பாரி' என்ற சொல்லைக் கேட்டாலே மக்களுக்கு அதிரடிப் படையின் கொடூரமுகம் நினைவுக்கு வரவேண்டும் என்பதும், அவர்கள் அஞ்சி நடுங்கி ஒதுங்க வேண்டும் என்பதும்தான் இந்த நடவடிக்கையின் முதல் நோக்கம்.
இரண்டாவதாக, இது தீவிரவாத ஒழிப்பில் மன்னனை விஞ்சிய ராஜவிசுவாசியாகத் தன்னைச் சித்தரித்துக் கொள்ள கருணாநிதி மேற்கொள்ளும் முயற்சி. ""தமிழகத்தைத் தீவிரவாத அபாயத்திலிருந்து காப்பாற்றி அமைதியான வாழ்க்கையை அளிக்கும் வல்லமை எனக்கு மட்டும்தான் உண்டு. கருணாநிதி ஆட்சிக்கு வந்தால் தீவிரவாதம் தலைவிரித்தாடுவதுடன், சட்டம்ஒழுங்கு சீர்குலைந்துவிடும்'' என்பது ஜெயலலிதா நிரந்தரமாக முன்வைத்துவரும் பாசிச அரசியல். துக்ளக் முதல் இந்து வரையிலான பார்ப்பனப் பத்திரிகைகளால் வழிமொழியப்படும் பிரச்சாரமும் இதுதான்.
//

மக்களது ஓட்டுக்களை நம்பி இருக்கும் அரசியல் கட்சிகள் அனைத்தும் தீவிரவாத அபாயத்திலிருந்து தமிழக மக்களை காப்பற்றவே முனைகின்றன. இதில் ஆச்சரியம் என்ன இருக்க முடியும்? வெறும் ஆயுதங்களை நம்பி பத்து பேரை சுட்டு, ஆட்சியை கைப்பற்றிவிடலாம் என்று நினைப்பவர்களை நினைத்து, அவர்களது பிளவுண்ட மனநிலையை நினைத்து மக்களும் அரசும் அஞ்சுவதில் என்ன ஆச்சரியம் இருக்கமுடியும்? துக்ளக் இந்து ஆகிய பத்திரிக்கைகள் மட்டுமா தீவிரவாத எதிர்ப்பு நிலைப்பட்டை கொண்டிருக்கின்றன? எல்லா மையநீரோட்ட பத்திரிக்கைகளும் ஊடகங்களும் தீவிரவாத எதிர்ப்பு நிலைப்பாட்டைகொண்டிருக்கிறன. ஒரு மாற்றுக்கு, தீவிரவாத ஆதரவு நிலைப்பாட்டை கொண்டிருக்கும் பத்திரிக்கைகளை வரிசைப்படுத்துங்களேன். அவைகள் எவ்வளவு மக்களால் படிக்கப்படுகின்றன என்பதையும் காட்டுங்களேன்.

//
தற்போது ஜெயலலிதாவின் ஆசி பெற்ற விஜயகுமாரை "நக்சல் ஒழிப்பு நடவடிக்கையின்' தலைவராக நியமித்திருப்பதன் மூலம் "வசிட்டன் வாயால் பிரம்மரிஷிப் பட்டம்' வாங்கத் துடிக்கிறார், கருணாநிதி. மேலும் பன்னாட்டு நிறுவனங்களின் வேட்டைக் காடாக தமிழகத்தைப் பேணுவதற்கும், ஆளும் வர்க்கங்களின் மனம் கவர்ந்த அமைதிப் பூங்காவாக மாநிலத்தை "மார்க்கெட்டிங்' செய்வதற்கும் நக்சல் வேட்டை என்னும் இந்த ஊதிப்பெருக்கப்பட்ட நடவடிக்கை திமுக அரசுக்குத் தேவைப்படுகிறது.
//

மறுபடி யோசியுங்கள். நீங்கள் சொலவது போல இல்லை. தமிழகத்தில் நக்ஸல்பாரிகள் இருக்கிறார்கள் என்பது வெளிநாட்டு மூலதனம் தமிழகத்துக்கு வருவதற்கு கேடானது. நக்ஸல் பிரச்னை இருக்கிறது என்று சொன்னாலே வரக்கூடிய மூலதனமும் வராது. இருந்தும் நக்ஸல் பிரச்னையை வெளியே சொல்லி அதனை ஒடுக்கமுயற்சிக்கும் அரசை பாராட்டவே வேண்டும். அலங்காரக் கொண்டையில் ஈறும் பேனும் இருப்பது எப்படியும் தெரிந்து விடும். பிறகு மாநிலத்துக்கு வேண்டிய பெரும் தொழில் மயமாகுதல் எல்லாம் தடைப் படும், பிறகு இந்த இரண்டாம் தர கம்யூனிச அரசுகள், மேற்கு வங்கத்திலும், கேரளாவிலும் இருக்கின்றனவே அவற்றைப் போல உலக வங்கி, டாட்டா, மிட்டல் என்று பலரிடம் போய் கையேந்தி நிற்க வேண்டி வரும். இப்போது உலக முதலாளிய நிறுவன அமைப்பாளர்கள் தாமே தேடி வருகிறார்கள். நாளை கருணாநிதி அவர்கள் அலுவலக வாயிலில் போய்க் கையேந்தும் நிலை வருவதைத் தடுக்கத்தான் இப்படி ஊக்கமாக நடவடிக்கை எடுக்க முன்வருகிறார். இதிலென்ன பெரிய மர்மம்? இதில் என்ன தவறு காண முடிகிறது உங்களால்?

//
போலீசைப் பொறுத்தவரை தனது கேள்விக்கிடமற்ற அதிகாரத்தை வலுப்படுத்திக் கொள்வதற்கும், தனது கிரிமினல் நடவடிக்கைகளை மறைத்துக் கொள்வதற்கும் கிடைக்கின்ற ஒவ்வொரு வாய்ப்பையும் அது பயன்படுத்திக் கொள்கிறது. மிகவும் அபாயகரமான பணியில் இராப்பகலாக ஈடுபட்டிருப்பதைப் போன்ற தோற்றத்தை மக்களிடம் ஏற்படுத்துவதற்காகவே, காடுகளிலும் மலைகளிலும் ""அவுட்டோர் ஷூட்டிங்'' நடத்துகிறது. தான் நடத்திய, நடத்தப் போகிற எல்லா "போலி மோதல்' கொலைகளையும் மறைப்பதற்கான திரைச்சீலைகளாக இவற்றைப் பயன்படுத்துகிறது.
//

போலீஸ் கட்டற்ற அதிகாரம் கொண்டதல்ல. அது ஆளும் மக்கள் பிரதிநிதிகளின் சொல்லுக்கும் ஆணைக்கும் கட்டுப்பட்டது. போலீஸ் கட்டற்று மக்களை அச்சுறுத்தினால், ஓட்டுக்களை இழக்கப்போவது ஆளும் கட்சிதான். ஆகவே, சட்டம் ஒழுங்கு சீர்குலைந்தால், மக்கள் நிச்சயம் ஆளும் கட்சியை தூக்கி எறிவார்கள். இது பலமுறை தமிழ்நாட்டில் நடந்துள்ளது. ஆகவே மக்கள் பிரதிநிதிகள் மக்களுக்கு அஞ்சுகிறார்கள். மக்கள் தீவிரவாதத்தை ஒருபோதும் ஆதரிக்கமாட்டார்கள் என்பதால், தீவிரவாதத்தை ஒடுக்க மக்கள் பிரதிநிதிகள் முனைகிறார்கள்.

//
இத்தனை பயங்கரமாகச் சித்தரிக்கப்படும் பெரியகுளம் சம்பவத்தில் நடந்திருப்பது என்ன? 3 பேர் சில ஆயுதங்களுடன் கைது செய்யப்பட்டிருக்கிறார்கள். குண்டு வெடிப்பு, போலீசுடன் மோதல், உயிரிழப்பு என்று எதுவும் நிகழவில்லை. கைது செய்த போலீசாருக்கோ ஒரு சிராய்ப்புக் காயம் கூட ஏற்படவில்லை. போலீசின் சட்டம் ஒழுங்கு பார்வையின் படியேகூட இது மிகவும் சாதாரணமான குற்றம்தான்.
//

இல்லை. நிச்சயம் இல்லை. ஆயுதம் ஏந்தியவனை தண்டிப்பது வேறு. ஆயுதம் ஏந்துவதை தன் கொள்கையாக கொண்ட இயக்கத்தினை ஒடுக்குவது வேறு. இதில் போலிசாரை நோக்கிச் சுட்டு அதில் இருவர் உயிரிழக்கவில்லையே என்று உங்களுக்கு மிக வருத்தம் போலிருக்கிறது. நீங்கள் என்ன போன பிறவியில் ரத்தக் காட்டேரியாக இருந்தீர்களோ? அல்லது இப்போதுமே அப்படித்தானா? சாதாரண மனிதரைக் கேட்டால் ‘நல்ல வேளை யாரும் யாரையும் சுடவில்லை. அதற்கு முன் ஆயுதங்களைக் கைப்பற்றி விட்டார்கள்’ என்று போலிசாரைப் பாராட்டவே செய்வார்.

//
தினகரன் பத்திரிகை மீது பட்டப்பகலில் போலீசின் முன்னிலையில் நடத்தப்பட்ட தாக்குதலுடன் இதனை ஒப்பிட்டுப் பாருங்கள். 3 ஊழியர்கள் கொல்லப்பட்டிருந்தும், அந்த வன்முறை வெறியாட்டம் மறுக்க முடியாதவண்ணம் வீடியோவில் பதிவு செய்யப்பட்டிருந்தும், ""தாக்குதலுக்குக் கருத்துக் கணிப்புதான் காரணம்'' என்று கூறி, சட்டமன்றத்திலேயே அதனை நியாயப்படுத்தினார், கருணாநிதி.
அண்ணன் அழகிரிக்கு 2% தான் ஆதரவு என்று எழுதியதற்காக ஒரு பத்திரிகை அலுவலகத்தை ஊழியர்களுடன் சேர்த்துக் கொளுத்தலாமாம். அழகிரி ஆதரவாளர்களின் கோபத்துக்கான காரணத்தை நாம் புரிந்து கொள்ள வேண்டுமாம். ஆனால், ஒரு இலட்சம் விவசாயிகளைத் தற்கொலைக்கும், பல ஆயிரம் முஸ்லிம்களையும் தலித் மக்களையும் படுகொலைக்கும், கோடிக்கணக்கான மக்களைப் பட்டினிக்கும் தள்ளும் இந்த அரசமைப்புக்கு எதிராக ஆயுதமேந்துவது தீவிரவாதமாம்!
//

தினகரன் அலுவலகத்தில் நடந்தது அழகிரியின் வன்முறை. அது தனிநபர் வன்முறை. தனிநபரான அழகிரியை தண்டிப்பது என்பது வேறு. வன்முறையை தன் வழியாக கொண்டு பல இளைஞர்களை சேர்த்துக்கொண்டு வன்முறை மூலம் போலீஸ், பொதுமக்கள், என்று அச்சுறுத்தி அதிகாரத்தை கைப்பற்ற விரும்பும் இயக்கத்தை தடுப்பது என்பது வேறு.

இந்த அரசைத் தேர்ந்தெடுத்தது இந்த மக்கள்தானே? திரும்பத்திரும்ப இதே கட்சிகளைத் தேர்ந்தெடுப்பதை விடுத்து இடது சாரிக் கட்சிகளையோ, பொதுவுடைமைக் கட்சிகளையோ தேர்ந்தெடுக்கக் கூடாதென்று யார் கையைப் பிடித்துத் தடுத்தார்கள்? அவர்கள்தானே எம்.ஜி.ஆர், ஜெயலலிதா, அண்ணாதுரை, மு.கருணாநிதி, சோனியா, லல்லுப் பிரசாத் யாதவ் என்று அவரவர் ஜாதி விசுவாசத்துக்கு ஏற்ற மாதிரியோ, கொடுக்கும் வாக்குறுதிகளுக்கோ வாக்களிக்கிறார்கள்? அடுத்த முறை நல்ல கட்சியாகப் பார்த்து வாக்களிக்கச் சொல்லிப் பிரச்சாரம் செய்யுங்களேன்?

//
மூன்று இளைஞர்கள் கையில் துப்பாக்கி வைத்திருந்தார்கள் என்ற குற்றத்துக்காகத் தமிழகமெங்கும் மாவோயிஸ்டு அமைப்பினர் மீது தேடுதல் வேட்டை நடத்துகிறது போலீசு. சிவகங்கையில் நட்ட நடுவீதியில் ரிமோட் குண்டு வைத்து தி.மு.க. நகராட்சித் தலைவரை தி.மு.க.காரனே கொலை செய்கிறானே, அந்தப் படுகொலைக்கு என்ன காரணம்? அன்று உள்ளாட்சித் தேர்தலையும், இன்று கூட்டுறவுத் தேர்தலையும் ரத்து செய்ய வைத்த வன்முறைக்கான காரணம் என்ன? தமிழ் நாட்டையே கொள்ளைக் காடாக்கி வரும் கழக வீரப்பன்கள் மீது எந்த அதிரடிப்படை ஏவப்பட்டிருக்கிறது?
//

நிச்சயம் ஏவப்படும். அவ்வாறு ஏவப்படும் அதிரடிப்படையின் பெயர் மக்களது ஓட்டுக்கள். அந்த ஓட்டை பொறுக்க அரசியல் கட்சிகள் அலையும்வரைக்கும், மக்கள் கையில் கண்ட்ரோல் இருக்கும். அது அடுத்த தேர்தலில் தெரியும். ஒரு ஆளும் கட்சிக்கு தன் ஆளும் கட்சி ஆட்கள் வெற்றி பெற்ற வெறியாட்டத்தை கட்டுப்படுத்தும் தேவை இருக்கிறது. அந்த தேவையைப் புரிந்துகொள்ளாத ஆட்சி வெகுவிரைவில் மக்களால் வாக்குக்கள் மூலம் நீக்கப்படும். நீக்கப்பட்டும் இருக்கிறது தமிழக வரலாற்றில்.

//
"நக்சல் ஒழிப்பு' நடவடிக்கையில் காட்டப்படும் இந்தத் தீவிரத்தில் ஒரு சதவீதமாவது "தீண்டாமை ஒழிப்பு', "லஞ்ச ஒழிப்பு', "மதவெறி ஒழிப்பு' நடவடிக்கைகளில் காட்டப்பட்டதுண்டா? காடு மலையெல்லாம் தேடி அலைய வேண்டிய தேவையே இல்லாமல் கண்முன்னால் காட்சி தரும் இந்தக் கிரிமினல் குற்றங்களை ஒழிக்க ஒரு அமைதிப்படையாவது ஏவப்பட்டதுண்டா?
//

தீண்டாமை ஒழிப்பு, லஞ்ச ஒழிப்பு, மதவெறி ஒழிப்பு ஆகியவையும் எடுக்கப்படவேண்டிய நடவடிக்கைகள்தான். ஆனால், ஒரு திருடனை பிடிக்காத போலீஸாருக்கு இன்னொரு கொலைகாரனை பிடிக்க தார்மீக உரிமை இல்லை என்ற இது போன்ற அபத்த வாதங்களை முன்வைப்பதில் உங்களுக்கே வெட்கமாக இல்லையா?
மேலும், எப்போதிருந்து இந்த மாற்றம்? சமூக சீர்திருத்தம் என்பது திரித்தல் வாதம் என்றும் புரட்சி வழியே சரியான வழி என்றும்தானே சொல்லிவந்தீர்கள்? சமூக சீர்திருத்தம் செய்வதன் மூலம் இந்தியாவை மாற்றிக்காட்டிய காந்தி உங்களுக்கு எதிரியாகத்தானே இருந்தார்? இந்தியாவில் எந்த சமூக சீர்திருத்தங்களில் கம்யூனிஸ்டுகள் இருந்திருக்கிறார்கள்? புரட்சி வந்தால் போதும் எல்லாம், பூத்து குலுங்கிவிடும் என்பதுதானே இதுவரை உங்களது கோஷமாக இருந்துவந்திருக்கிறது? அமைதி வழியே, மக்கள் திரளைப் பேச்சினால் மனம் மாற்றி அறவுணர்வால் ஊக்குவித்துத் தம் பின்னே திரட்டிச் சமூக சீர்திருத்ததை செய்து உலகை மாற்றிக்காட்டிய காந்தி, நாராயணகுரு போன்றவர்களை உங்களது எதிரிகளாகத்தானே வரித்துக்கொண்டிருந்தீர்கள்? இப்போது மனமாற்றம் வந்த காரணம் என்ன? அல்லது இது ஒரு டெம்பரரி அம்னீசியாவா? அல்லது புகை மூட்டப் போர்த்தந்திரமா?

//
"வன்முறையா மென்முறையா' என்பதல்ல பிரச்சினை. இந்த அரசமைப்பில் ஐக்கியமாகி, அரசு சன்மானங்களைப் பொறுக்கித் தின்னவும், பன்னாட்டு நிறுவனங்களுக்குத் தரகு வேலை செய்யவும், மக்கள் சொத்தைக் கொள்ளையடித்துப் பங்கு போட்டுக் கொள்ளவும் ஆயுதம் ஏந்தி மோதிக்கொள்வதில் ஆளும் வர்க்கத்துக்கு எந்த ஆட்சேபமும் இல்லை.
//

என்ன சீனாவை பற்றி சொல்கிறீர்களா? அப்படியே சீனாவின் மாவோயிச சோசலிச அரசை எப்படி இவ்வளவு துல்லியமாக வருணித்தீர்கள்! நேரே போய் அனுபவம் நிறையவோ? அந்த வரிகளை மேற்கோள் காட்டுகிறேன் - ‘இந்த அரசமைப்பில் ஐக்கியமாகி, அரசு சன்மானங்களைப் பொறுக்கித் தின்னவும், பன்னாட்டு நிறுவனங்களுக்குத் தரகு வேலை செய்யவும், மக்கள் சொத்தைக் கொள்ளையடித்துப் பங்கு போட்டுக் கொள்ளவும்’. இதில் இன்னொரு அம்சம் பாருங்கள். இந்த ரஷ்யாவின் அரசும் இதே போலத்தான் இருக்கிறது- ஆனால் அவர்கள் சோவியத், லெனினியம், சோசலிசம் என்று சும்மா வார்த்தை ஜாலமெல்லாம் காட்டாமல் நேரடியாக ‘சாவரின் டெமாக்ரசி’ என்று சொல்லி விடுகிறார்கள். யாருடைய சாவரினிடி என்பது தெளிவில்லை. கேஜிபியின் சாவரினிடி என்பது உங்களுக்குத் தான் தெரியுமே. நீங்கள் புரட்சி நடந்ததும் செய்யப் போகிற முதல் வேலையே இந்த கேஜிபியை நகல் எடுத்து ஒரு ரகசியப் போலிஸ் அமைப்பைக் கட்டுவதுதானே?

// மக்கள் யுத்தக் குழுவினர் சந்திரபாபு நாயுடுவுக்கு வைத்த குண்டைக் காட்டிலும், சிவகங்கையில் வைக்கப்பட்ட ரிமோட் குண்டுதான் நவீன தொழில்நுட்பம். அவ்வாறிருந்தும் சிவகங்கையில் தேடுதல் வேட்டை கிடையாது, காரணம், இது திமுக ஆட்சி என்பது மட்டுமல்ல; இத்தகைய வன்முறைகள் எதுவும் ஆளும் வர்க்கத்துக்கு எதிரானவையல்ல என்பதுதான் அடிப்படைக் காரணம்.
மாறாக, ""இந்த கொள்ளைக்கார அரசமைப்பைத் தூக்கியெறிவதற்காக ஆயுதம் ஏந்தவேண்டும்'' என்று கூறுவதனால்தான், ஜனநாயகத்தின் எல்லாத் தூண்களும் "தீவிரவாதிகள்' என்று முத்திரை குத்தி நக்சல்பாரிகள் மீது பாய்ந்து படுங்குகின்றன.
//

அதெப்படி, கொள்ளைக்கார அரசமைப்பை தூக்கி எறிவதற்கு கொலைகார அமைப்புதான் வேண்டுமா?
மக்கள் வாக்களிக்கிறார்களே. அவர்களிடம் சொல்லுங்கள். அடுத்த முறை தேர்தலில் நின்று யாராரைக் கொல்லப் போகிறீர்கள், எப்படி, எத்தனை ஆயிரம் பேரைக் கொன்றால் எவ்வளவு மாறுதல் வரும் என்று பட்டியல் போட்டு வைத்திருப்பீர்களே அதையெல்லாம் எடுத்து விடுங்கள் மேடைகளில். எவ்வளவு ஆதரவு திரண்டு வருகிறது என்று பார்க்கலாம்.

முதலாவது, இது கொள்ளைக்கார அமைப்பு அல்ல. கொள்ளைக்கார அமைப்பு என்பது சோசலிஸம். இது ஜனநாயக அமைப்பு. இங்கு ஆளும் கட்சியின் அச்சுறுத்தல் இல்லாமல், மக்கள் தாம் விரும்பும் கட்சிக்கு ஓட்டுப்போடலாம். தங்கள் சாதிக்கட்சிக்கு ஓட்டுப்போடலாம். தங்கள் மதக்கட்சிக்கு ஓட்டுப்போடலாம். தங்கள் குடும்ப உறுப்பினர்கள் இருக்கும் கட்சிக்கும் ஓட்டுப்போடலாம். மக்களுக்கு நல்லது செய்வார்கள் என்று நினைத்தும் எந்த கட்சிக்கும் ஓட்டுப்போடலாம். அது மக்கள் விருப்பம். அல்லது திமிர் பிடித்துத் தேர்ந்தெடுக்கப் பட எந்த வாய்ப்பும் இல்லாத ஒரு கோமாளிக்குக் கூட வாக்களிக்கலாம். நீங்கள் தேர்தலில் நின்றால் உங்களுக்குக் கூட ஒரு நூறு ஓட்டுகள் விழுந்தாலும் விழும், யார் கண்டது? நின்று பாருங்களேன்? என்ன குறைந்து விடும்? நீங்களோ ஒன்றும் சத்திய சந்தர் அல்ல. அறம், தருமம், நேர்மை இதெல்லாம் உங்கள் கருத்துப்படி பூர்சுவா மாயங்கள். தேர்தலில் நாளை நிற்கலாம். அடுத்த நாள், (தோற்றதும்) , மறுபடி ஆயுதப் போராட்டமே வழி என்றும் அறிவிக்கலாம். இதெல்லாம் மக்களுக்கு ஒன்றும் பெரிய விஷயமே இல்லை. அரசியல் வாதி என்றாலே பொய் சொல்வார் என்பது அவர்களுக்குத் தெரியும். உங்களுக்குத்தான் மற்றவர்கள் எல்லாம் பொய்யர்கள் நாம் மட்டும் சத்தியவான் என்று ஒரு பிரமை இருக்கிறதே.
தைரியமாகத் தேர்தலில் போட்டி இட்டு வானத்தை வில்லாக வளைப்போம் என்று பொய் சொல்லுங்கள். ஏற்கனவே அப்படித்தானே கற்பனை கம்யூனிஸ சமுகம் பற்றி சொல்லி இளைஞர்களை மூளைச்சலவை செய்துகொண்டிருக்கிறீர்கள்? ஒரு பக்கம் இயேசுவின் இரண்டாவது வருகை என்ற பொன்னுலகம் வருகிறது என்று அமெரிக்க ஆதரவாக கிறிஸ்துவர்களை உருவாக்க கூட்டம் சேர்க்கிறார்கள். நீங்கள், கம்யூனிஸ பொன்னுலகம் வருகிறது என்று கூட்டம் சேர்க்கிறீர்கள். என்ன வித்தியாசம்? பைத்தியக்காரனை சுற்றியும் பத்துப்பேர்!

//
குறிப்பாக, தனியார்மயதாராளமயக் கொள்கைகளை எதிர்த்துக் கிளர்ந்தெழும் உழைக்கும் மக்கள், நாளை கம்யூனிசப் புரட்சியாளர்களின் தலைமையில் அணிதிரண்டு விடுவார்களோ என்ற அச்சம்தான் ஆளும் வர்க்கங்களை நடுங்கச் செய்கிறது. துப்பாக்கிகாடுபயிற்சி என்பதல்ல எதிரிகளின் அச்சத்துக்குக் காரணம். மார்க்சியம்லெனினியம்மாசேதுங் சிந்தனை என்ற கம்யூனிசச் சித்தாந்தம்தான் அவர்களை அச்சுறுத்துகிறது. கம்யூனிசப் புரட்சியாளர்களின் உறுதியும் விடாப்பிடியான முயற்சியும் அவர்களுக்குப் பீதியூட்டுகிறது.
//

காமெடி கீமடி பண்ணலையே? தனியார் மயக்கொள்கைகளை எதிர்த்து கிளர்ந்தெழுகிறார்களா ? எங்கே? எல்லோரும் தனியார் மயத்தை ஆதரிக்கிறார்கள். அதன் மூலம் வேலைவாய்ப்பு பெருகுவதை வரவேற்கிறார்கள். மார்க்ஸியம் லெனினியம் மாசேதுங் சிந்தனை என்ற கான்ஸர் இந்த இளைஞர்களை வழிதவறிப்போகவைத்து, வளரும் தொழில்நுட்பம், பொருளாதாரத்தை பாதிக்கிறது என்பதனை மக்கள் புரிந்துகொண்டே இருக்கிறார்கள். கம்யூனிஸ புரட்சியாளர்களின் மடத்தனமும், பைத்தியக்காரத்தனமும் மக்களுக்கும் அரசில் இருக்கும் மக்கள் பிரதிநிதிகளுக்கும் பீதியூட்டுகிறது.
இப்போதுதான் பொருளாதாரத்தை கழுத்திபிடித்து திருகி இந்தியாவில் தொழில்முனைவோர்களையும், தொழில்துவங்குபவர்களையும் கழுத்தில் கயிறு போட்டுகட்டி, இவ்வளவுக்கு மேல் உற்பத்தி செய்யக்கூடாது, இங்குதான் இவன் தான் தொழில்துவங்க வேண்டும் என்று லைசன்ஸ் கோட்டா சாம்ராஜ்யம் அழிந்து தொழில்முனைவோர்கள் பொருளாதார சுதந்திரம் பெற்று வேலைகள் அதிகரிக்க ஆரம்பித்துள்ளன. இன்று "வேலை காலி இல்லை" போர்டுகள் தொழிற்சாலைகளின் முகப்புகளை அலங்கரிக்கவில்லை. இன்று உண்மையிலேயே தொழிலாளர்கள் எந்த தொழிலுக்கும் போவதற்கான சுதந்திரம் பெற்றிருப்பதால், அவர்களது வலிமை அதிகரித்துள்ளது. இவர்கள் தனியார் மயத்தை எதிர்க்கிறார்களா? எந்த உலகத்தில் இருக்கிறீர்கள்?
ஆமாம், கஞ்சா அல்லது ஸ்பீட் ஏதாவது சாப்பிட்டு விட்டு இந்தத் தலையங்கம் எழுத வந்தீர்களா என்ன? மார்க்சியம், லெனினியம், மாவோயிசச் சித்தாந்தம் அவர்களை அச்சுறுத்துகிறதா? சோவியத் ரஷ்யா என்று ஒரு பெரிய மண் கோட்டை 1989 இல் தகர்ந்து பொடியானது, நினைவிருக்கிறதா? இன்று லெனினின் சிலைகள் கிழக்கைரோப்பா முழுவதும் காலில் உடைந்து தலை குப்புறக் கிடக்கின்றன, அதாவது தெரியுமோ? செய்தித்தாள்கள் படிக்கிறீர்களோ? இல்லை அதெல்லாமும் கற்பனை வாழ்க்கைதானா? மாவோயிசம் என்று ஏதோ சொன்னீர்களே, அந்த மாவோவின் சாம்ராஜ்யமே இன்று கலகலத்துப் போய் கம்யூனிஸ்டு கட்சியில் பூர்சுவாக்கள் சேர்வது தவறில்லை, மேலும் சொத்துரிமை கொடுக்காது மக்களை ஊக்குவிக்க முடியாது என்று சொத்துரிமை உண்டு என்று அறிவித்துள்ளது, மேலும் முதலாளியம் என்பது ஒன்றும் ரத்தக் காட்டேரி இல்லை என்று கூறி அமெரிக்காவோடு கூட்டு சேர்ந்து இருபதாண்டுகள் ஆகிவிட்டன, அதுவாவது தெரியுமா?

//
இதனை மறைத்துக் கொண்டு, "வேலையில்லாத பட்டதாரிகளும் விரக்தியுற்ற இளைஞர்களும்தான் நக்சல்பாரிகளாக மாறிவிடுவதாக'க் கதையளக்கிறார்கள். "இந்த சமூகப் பொருளாதாரப் பிரச்சினைகளைத் தீர்த்துவிட்டால் நக்சலியம் ஒழிந்துவிடும்' என்று கனாக் காண்கிறார்கள். வேலையின்மை, வறுமை காரணமாக நக்சலியம் பரவுகிறது (திருட்டு, விபச்சாரம் போன்ற கிரிமினல் குற்றங்கள் பரவுவதைப் போல) என்று கூறுவதன் மூலம் நக்சல்பாரி அரசியலையே கிரிமினல் குற்றமாகச் சித்தரிக்கிறார்கள்.
//

வேலையில்லா பட்டதாரிகளும் விரக்தியான இளைஞர்களும்தான் நக்ஸல்பாரிகளாகவும், மத பயங்கரவாதிகளாகவும், ஆனார்கள். சமூகத்தில் வேலைவாய்ப்பு பெருக பெருக நக்ஸலிசம் மட்டுமல்ல, பொதுவாகவே எந்த எதிர்ப்பு அரசியல் உணர்வும் குறைகின்றது.
நக்ஸல்பாரி அரசியல் கிரிமினல் குற்றம்தான். ஏனெனில், ஒரு இயக்கம் என்ன காரணத்தினாலும் இன்னொரு மனிதனது உயிரை பறிக்க உரிமை அற்றது. அது நக்ஸல்கள் கொல்வதாக இருந்தாலும், அது மத பயங்கரவாதிகள் குண்டு வைப்பதாக இருந்தாலும் அது ஒன்றுதான்.
வன்முறையை தன் வழியாகப் பகிரங்கமாக அரசியலாக ஏற்கும் ஒவ்வொரு இயக்கமும் கடுமையாக ஒடுக்கப்படவேண்டும். வார்த்தைகள் மூலம் தங்களது வாதத்தை சொல்ல முடியாவதவர்கள், வரப்போகும் கற்பனை கம்யூனிஸ சமுதாயத்திற்காகவோ, அல்லது கிறிஸ்துவின் இரண்டாம் வருகை பொன்னுலகுக்காகவோ, உழைத்துப் போராடி வாழும் பொதுமக்களைக் "களையெடுப்பதையோ" அல்லது மதவெறி காரணமாக, தன் மதத்தை சாராதவர்களை கொல்வதையோ ஒருபோதும் அங்கீகரிக்க முடியாது. அத்தகைய இயக்கங்களை வளரவும் விடக் கூடாது.
நீங்களோ இத்தகைய கொலைகளை உங்களது கொள்கை வழியில் சரியானது என்று முழுமனதாக நம்புகிறீர்கள்.
இப்படிக் கொலை வெறிக் கொள்கையைத் தாமே கொண்டு உள்ளவர்கள் எந்த தார்மீக அடிப்படையில் அல்லது என்ன தர்க்கப்படி இந்தியாவிலும் மற்ற நாடுகளிலும் நடக்கும் வன்முறையை கண்டிக்க உரிமை பெறுகிறீர்கள்? நீங்கள் இன்னமும் நினைத்தவர்களை எல்லாம் கொல்லும் சக்தியைப் பெறவில்லை என்பதால் உங்கள் படுகொலைத் திட்டங்கள் நெறியற்றவை என்பது மறைந்து விடுமா என்ன?

//
விரக்தியுற்றவர்கள்தான் நக்சல்பாரிகளாகிறார்கள் என்ற கூற்று உண்மையாயிருப்பின், தற்கொலை செய்து கொண்ட ஒரு லட்சம் விவசாயிகளும் நக்சல்பாரிகளாகியிருக்க வேண்டும். நக்சல்பாரிகளை உந்தித் தள்ளும் உணர்ச்சி, விரக்தி அல்ல; அது சமூக அநீதிகளுக்கு எதிரான ஆவேசம். அவர்களை வழிநடத்துவது மார்க்சியம்லெனினியம் என்ற அறிவியல் பார்வை. நக்சல்பாரிகள் சமூகத்தைத் தம் தோளில் சுமப்பவர்கள், மக்கள் நலனுக்காகத் தம் சொந்த வாழ்வின் இன்பங்களைத் தாமே முன்வந்து துறப்பவர்கள். நக்சல்பாரிகள் விரக்தியுற்ற இளைஞர்களுமல்ல, கம்யூனிசம் சோற்றால் அடித்தால் செத்துவிழும் கொள்கையுமல்ல.
//

தற்கொலை செய்துகொண்ட விவசாயி ஒரே ஒருவராக இருந்தாலும், அந்த அரசு கலைக்கப்படும் இதே இந்திய மக்களால். கலைக்கப்பட்டும் இருக்கிறது.

ஆனால், கலைக்கவே முடியாத, ராணுவ சர்வாதிகாரத்தின் கீழ், செயற்கையாக உருவாக்கப்பட்ட பஞ்சத்தினால் செத்த சோசலிஸ விவசாயிகள் பற்றி அதே நேர்மையுடன் உங்களால் எழுத முடியுமா?

முட்டாள்கள் தடுக்கி விழுவார்கள் என்று சொல்கிறோம் என்று வையுங்கள். உடனே அனைத்து முட்டாள்களும் தடுக்கித்தான் விழுவார்கள் என்று சொல்கிறோம் என்றா எடுத்துக் கொள்வது? அபாரமாகத்தான் வேலை செய்கிறது உங்கள் கற்பனை? (அது நையாண்டி. ஏதோ உண்மையிலேயே பாராட்டுகிறேன் என்று கருத வேண்டாம். உங்களால் சின்ன வாதங்களையே பின்பற்ற முடியவில்லை என்பது எனக்கு ஓரளவு உங்கள் மன ஆரோக்கியம் பற்றிக் கவலைப் பட வைக்கிறது. ஆந்திராவிலும், ஒரிஸ்ஸாவிலும் நக்சல்பாரிகளாக ஆனவர்களில் பட்டினியைச் சந்தித்த விவசாயிகளில் யாருமே இல்லையா என்ன? கட்டாயம் இருப்பார்கள்-

நக்ஸல்பாரிகள் சமூக அநீதிகளால் உருவாகிறார்கள் என்று நீங்கள் சொல்லிக்கொள்வது ஒரு சந்தர்ப்ப வாதம். நக்ஸ்ல்பாரிகள் தங்களது கொலைகளை நியாயப்படுத்திக்கொள்ள சொல்லும் ஒரு சாக்கு. அவ்வளவுதான்.

என்னுடைய வருத்தம் என்னவாக இருந்தாலும், மற்றொரு அப்பாவி மனிதன் மீது என்னுடைய வன்முறையை பிரயோகிப்பது சரியல்ல என்று ஒப்புக்கொள்ளும் அமைப்புதான் மக்களது அமைப்பு. அந்த அமைப்பாக நீங்கள் ஆகும்போது அதுபற்றி பேசலாம்.
ஆனால், மத பயங்கரவாதிகள் கூறுவதும், மார்க்ஸிய பயங்கரவாதிகள் கூறுவதும் ஒன்றேதான் என்னும்போது இன்னும் உங்கள் இரு கூட்டங்கள் மீதும் மக்களுக்குப் பயம்தான் அதிகரிக்கிறது. மத பயங்கரவாதிகள் கூறுகிறார்கள் ‘நீ நான் கும்பிடும் தெய்வத்தை வணங்காதவன் என்ற குற்றம் இழைப்பவன். அதனால் உன்னைக் கொல்வது நியாயமானது.’

கம்யூனிஸ பயங்கரவாதிகள் கூறுகிறார்கள்‘நீஎன்னுடைய கற்பனை உலகத்தை அங்கீகரிக்காதவன். அதுவே உன் குற்றம், அதனால் உன்னை களையெடுப்பது நியாயமானது. உன்னைக் கொல்வோம்.’ இவ்வாறான வாதங்கள், மேலும் மேலும் சமூக அநீதிகளைத்தான் கொண்டுவரும். கொண்டு வந்திருக்கிறது.

ஏனேனில் மார்க்சியம் கிறிஸ்துவ இறையியல் போன்று, கற்பனையில் பொன்னுலகம் படைக்கும் கற்பனைவாதம், கருத்துமுதல்வாதம். இதை மக்கள் மீது திணித்தே தீர்வேன் என்னனம் நக்ஸல்பாரிகள் சமூகத்தின் கேன்ஸர்கள். மக்கள்நலனுக்காகச் செய்கிறோம் என்று அந்த மக்களையே கொன்று புதைகுழிக்குள் அனுப்புபவர்கள். அவ்வாறு கொன்றபின்னால், அந்த பிணத்திடமே, உன் நலனுக்காகத்தான் உன்னை கொன்றோம் என்று சொல்லும் பிளவாளுமை கொண்ட மனநலம் பிசகியவர்கள். கம்யூனிஸம் சோற்றால் அடித்தால் செத்துவிழும் கொள்கையாக இல்லாமல் இருக்கலாம். ஆனால் என்ன செய்வது? எல்லா மனம் பிறழ்ந்தவர்களும் தங்களே வரித்துக்கொண்ட உலகத்தில் நியாயவான்களாகவே இருக்கிறார்கள்.

//
நக்சல்பாரிகளின் அரசியலைத் தவறு என்று யாராலும் வாதாட முடியாது. நக்சல்பாரி இயக்கத்தின் ஒரு சாதாரணத் தொண்டன் எழுப்பும் அரசியல் கேள்விக்கு எந்த ஓட்டுப் பொறுக்கித் தலைவனாலும் பதில் சொல்ல முடியாது. நக்சல்பாரிகளை அரசியல் ரீதியாக எதிர்கொள்ள ஆளும் வர்க்கம் அஞ்சுகிறது. எனவேதான் அச்சுறுத்துகிறது, அவதூறு செய்கிறது, மக்களிடமிருந்து தனிமைப்படுத்த முயற்சி செய்கிறது.
//

மனநலம் பிறழ்ந்தவர்கள் என்று சொல்லி நான்கு வரிகள் தாண்டுவதற்குள் அதை நிரூபிக்க ஒரு வரியை எழுதி விட்டீர்கள். முன்னால் சொல்லிய படி உண்மையிலேயே உங்களுக்கு நகைச்சுவை உணர்வு கூடுதல்தான். ‘நக்சல்பாரிகளின் அரசியலைத் தவறு என்று யாராலும் வாதிட முடியாதா’? ஏன்? எது தடுக்கும்? நான் இதோ வாதிட்டுக் கொண்டிருக்கிறேனே. இந்தியாவில் உள்ள சிறு நில விவசாயிகளில் 90 சதவீதத்துக்கு மேல் உங்களை மறை கழண்டவர்கள் என்றுதானே கருதுகிறார்கள். இல்லாவிடில் எதற்கு நேற்று வந்த அரசியல் வாதி பின்னாலெல்லாம் ஓடுகிறார்கள். (உதா: விஜய்காந்த், ராகுல் காந்தி, ப்ரியங்கா, தயாநிதி மாறன்) பல பத்தாண்டுகளாகத் தொண்டை வறளக் கத்திக் கொண்டு, காகிதத்தில் மசியைத் தடவி லட்சக்கணக்கான காகிதங்களை வீணாய் அடித்து உங்கள் புராணத்தை விற்கப் பார்க்கிறீர்கள், ஒரு பயல் லட்சியம் செய்கிறானா? ஐயா, நாற்பதாண்டுகளாக அலைகிறீர்கள் அரசியல் அதிகாரம் வேண்டும் என்று, சரி ஒரு மாதம் ஆண்டு பாருங்கள் என்று உங்களைக் கூப்பிட்டு ஒரு முனிசிபாலிடியாவது, பஞ்சாயத்தாவது கொடுக்கிறார்களா? உங்கள் அரசியல் உதவாக்கரை அரசியல் என்பதால்தானே அதை அலட்சியம் செய்கிறார்கள். அவர்கள் ‘அட போங்கப்பா, பொழைப்பத்த பசங்க’ என்று விரலால் தள்ளுகிறார்களே, அதில் எந்தப் பகுதி உங்களுக்கு இன்னமும் புரியவில்லை?
நக்ஸல்பாரி அரசியல் தவறு என்று நான் வாதாடுகிறேன். நான் கேட்ட கேள்விகள் இங்கே இருக்கின்றன. நக்ஸல்பாரி இயக்கத்தின் எந்த ஒரு கொலைவெறியனாலும், தலைவனானாலும் அவற்றுக்கு பதில் சொல்ல முடியாது.
அதனால்தான், என்னை போன்ற பொதுமக்களை நக்ஸல்பாரி இயக்கங்கள் கொலைவெறி கொண்டு துப்பாக்கி எடுத்து வன்முறைமூலம் வாயை மூடவைக்க முயல்கின்றன
ஓட்டுப்பொறுக்கித் தலைவனே இந்தியாவின் உன்னதமான தலைவன். அவனே மக்களின் ஓட்டுக்களை ஒவ்வொன்றாக பொறுக்க விழைகிறான். ஒவ்வொரு ஓட்டுக்கும் அவன் தன்னை மக்களின் பிரதிநிதியாக ஆக்கிக்கொள்ள வேண்டியவன். அவனே உண்மையான மக்கள்தலைவன். அல்ல, அந்தச் சொல் தவறான சொல், அவனே மக்கள் பிரதிநிதி.
மக்கள் வீசும் ஓட்டுக்களை பொறுக்கும் உன்னத மக்கள் பிரதிநிதிகளுக்குத் தலைவணங்குகிறேன்.

//
பெரியகுளம் சம்பவத்தையொட்டி நக்சல்பாரிகளுக்கு எதிராக அரசும் ஊடகங்களும் மேற்கொண்டு வரும் பொய்ப்பிரச்சாரத்தை நாம் முறியடிக்க முடியும். ஆனால், மேற்கூறிய பிரச்சாரங்கள் மக்கள் மத்தியில் எடுபடவில்லையென்றோ, மாவோயிஸ்டுகளின் "ஆயுதப் போராட்டத்துக்கான' நியாயத்தை தமிழக மக்கள் புரிந்து கொண்டு விட்டார்கள் என்றோ அதற்குப் பொருள் அல்ல. பெரியகுளம் சம்பவத்தையொட்டி மாவோயிஸ்டு கட்சியின் தமிழ் மாநிலக் குழு வெளியிட்டிருக்கும் அறிக்கையே இதற்குச் சான்று கூறுகிறது.
""மாவோயிஸ்டுகளின் கொள்கைகளையும் இலட்சியங்களையும் மறைத்து விட்டு அவர்களை வெறும் ஆயுத மோகம் கொண்ட தீவிரவாதிகளாகக் காட்ட ஊடகங்கள் முயற்சிக்கின்றன''... ""ஆயுதப் போராட்டத்திற்கான சிறிய தயாரிப்புகளையே பெரும் பயங்கரவாதமெனச் சித்தரித்துப் பயங்கரவாத பீதியை உருவாக்கி வருகிறது கருணாநிதி அரசு'' என்று கூறும் அந்த அறிக்கை, ""மாவோயிஸ்டுகள் யார், அவர்கள் ஏன் ஆயுதம் ஏந்துகிறார்கள்?'' என்று சுருக்கமாக விளக்குகிறது.
"மாவோயிஸ்டுகள் யார், அவர்களுடைய கொள்கை என்ன, அவர்கள் ஏன் ஆயுதம் ஏந்துகிறார்கள்' என்பதையே மக்களுக்கு விளக்கிப் புரியவைக்க வேண்டும் என்ற நிலையில் இருக்கும் ஒரு அமைப்பு, ஆயுதப் போராட்டத்தைத் தொடங்கிவிட்டதாகக் கூறுவது சிறுபிள்ளைத்தனம் என்பதை விளக்கத் தேவையில்லை. தமிழகத்தில் கடந்த 7 ஆண்டுகளில் இவர்கள் சுற்றி வளைத்துக் கைது செய்யப்படுவது இது மூன்றாவது முறை.
//

"ஆயுதப் போராட்டத்திற்கான சிறிய தயாரிப்புகளையே".. ஓஹோ பெரிய தயாரிப்புகள் செய்யும் போது போலீசுக்கு சொல்லி அனுப்புவார்களா?
ஏன் ஆயுதம் ஏந்துகிறார்கள் என்று விளக்கும் ஒரு கட்சி ஆயுதப்போராட்டத்தை துவங்கிவிட்டதாக நினைக்காமல் என்ன செய்யமுடியும்? சற்றே எழுதியதை படித்து பார்த்தால், எழுதியதன் அபத்தம் விளங்கும்.

//
பேருந்து எரிப்பு சம்பவத்தின் தொடர்ச்சியாக சனவரி, 2000இல் தோழர் ரவீந்திரனை போலீசு காவலில் வைத்து சித்திரவதை செய்து சுட்டுக் கொன்று விட்டு, அதனை மோதல் கொலை என்று புளுகியது போலீசு. அது தி.மு.க. ஆட்சிக்காலம். பின்னர், நவம்பர், 2003இல் தருமபுரி மாவட்டம் ஊத்தங்கரை வட்டாரத்தில் 26 தோழர்கள் கைது செய்யப்பட்டு பொடாவில் சிறை வைக்கப்பட்டனர். தோழர் சிவா சுட்டுக் கொல்லப்பட்டார் அது ஜெயலலிதா ஆட்சிக் காலம். இப்போது பெரியகுளம் சம்பவம்.
பெரியகுளத்தில் நடந்தது என்ன? என்பது பற்றி மாவோயிஸ்டு கட்சி வெளியிட்டுள்ள அறிக்கை எதுவும் கூறவில்லை. ஆனால், முன்னர் ரவீந்திரன் கொலை செய்யப்பட்டபோதும், ஊத்தங்கரையில் 26 பேர் சுற்றி வளைத்துக் கைது செய்யப்பட்ட போதும், மக்கள் ஆதரவு அடித்தளம் கூட இல்லாமல் ஆயுதக் குழுக்களைக் கட்டும் இவர்களுடைய சாகசவாதம் பற்றி நாம் விமரிசித்தோம். மாவோயிஸ்டுகள் கோபப்பட்டார்கள். தருமபுரி மாவட்டத்தில் ஏராளமான மக்களைத் திரட்டியிருப்பதாகவும், அம்மாவட்டம் ஒரு ஆயுதப்போராட்ட முனையாக உருவாகியிருப்பதாகவும் வலிந்து வாதாடினார்கள்.
//

இதன்மூலம் நீங்கள் சொல்வது தெள்ளென தெரிகிறது. மக்களை வெறியேற்றி அவர்களை முழுநேர கொலைகளுக்குத் தயார் செய்யவேண்டும் பிறகுதான் ஆயுத போராட்டம் என்ற உங்கள் உளறல் உங்களை நன்றாகவே காட்டிக்கொடுக்கிறது.
ஆகவே ஆயுதம் தாங்கிக் கொல்வது உங்களுக்கு தவறான செயல் இல்லை. ஆகவே, அவர்கள் இன்றைக்கே கொல்வேன் என்று சொல்கிறார்கள். நீங்கள் சற்று காலம் கழித்து கொல்லலாம் என்று சொல்கிறீர்கள். அவ்வளவுதான்.
ஆகவே நீங்கள் இருவருமே ஒரே வன்முறை குட்டையில் ஊறும் விஷ மட்டைகள்.
பிறகு ஏன் போலிஸ் உங்களையும், மாவோயிஸ்டுகளையும் கொல்வது தவறு என்று சொல்கிறீர்கள்? உங்கள் கொள்கையையேதான் உங்கள் பால் திருப்புகிறார்கள் போலிசார்?

//
தற்போது பெரியகுளம் பகுதி! இங்கே மாவோயிஸ்டு அமைப்பிற்கு மக்கள் மத்தியில் அரசியல் ரீதியான செல்வாக்கு ஏதும் இல்லை. அன்றைய சம்பவத்தில் இவர்களுக்கு ஆதரவு கொடுத்ததற்காக அந்த வட்டாரத்து மக்கள் யாரும் கைது செய்யப்பட்டதாகவும் செய்தி இல்லை.
""மலைத்தொடர்கள், காட்டுப் பகுதிகள், பாதுகாப்பான மறைவிடங்கள் கொண்ட காட்டுப்பகுதிகளாக இருந்தால் போதும்; அங்கே ஆயுதக்குழுக்களைக் கட்டிவிடலாம், ஆயுதப்போராட்டத்தைத் தொடங்கிவிடலாம்'' என்று சிந்திக்கும் அளவுக்கு புவியியல்தான் இவர்களை வழிநடத்துகிறது; அரசியல் வழிநடத்துவதாகத் தெரியவில்லை. அரசியல் கண்ணோட்டம் ஏதுமற்ற இந்த அசட்டுத்தனமான நடவடிக்கையை இவர்கள் தம்முடைய சொந்த விவகாரமாகக் கருதிக் கொள்கிறார்கள். ""நாங்கள் போராடுகிறோம், நாங்கள் தியாகம் செய்கிறோம், உனக்கென்ன நட்டம்?'' என்ற சாகசவாதிகளுக்கே உரித்தான மனோபாவம்தான் இவர்களுடைய சிந்தனையை வழிநடத்துகிறது.
""கம்யூனிஸ்டுகள் தம்முடைய நடவடிக்கைகள் ஒவ்வொன்றுக்கும் மக்களுக்கு விளக்கமளிக்கக் கடமைப்பட்டவர்கள்'' என்ற மிக எளிய உண்மை கூட, எதிரிகளின் அவதூறுப் பிரச்சாரம் தொடங்கிய பின்னர்தான் இலேசாக இவர்களுக்குப் புரியத் தொடங்குகிறது.
//

எந்த மக்களுக்கு "விளக்கம்" அளிப்பீர்கள்? கொல்லப்பட்டவர்களுக்கா? இன்னும் உயிருடன் இருக்கும் மக்களுக்கா? விளக்கம் அளித்து விட்டுச் சுட்டுத் தள்ளினால் சுடப்படும் மனிதருக்கு மிகவும் மகிழ்வாக இருக்கும் என்று கருதி விட்டீர்களோ? ஒரு முறை உங்கள் காலைப் பார்த்து உங்கள் துப்பாக்கியால் சுட்டுக் கொள்ளுங்கள். அதை விடப் பல் மடங்கு அதிகம் துன்பம் உயிரை இழப்பது என்பது. அதை ஒரு முறை அனுபவித்துப் பாருங்கள் புரியும்.

//
எனவேதான் ""மாவோயிஸ்டுகள் ஏன் ஆயுதம் ஏந்துகிறார்கள்?'' என்று தங்களுடைய அறிக்கையில் மக்களுக்கு விளக்கம் தருகிறார்கள். ""சிறப்புப் பொருளாதார மண்டலம், கோக், பெப்சி, ரிலையன்சு, குஜராத் படுகொலைகள்..'' என்று ஒரு நீண்ட பட்டியலைக் கூறி ""இத்தகைய பயங்கரவாதங்களை எதிர்த்து ஒடுக்கப்பட்ட மக்கள் ஆயுதம் ஏந்துவது பயங்கரவாதமல்ல. அத்தகைய மக்கள் புரட்சிக்குத் தலைமை ஏற்கவே மாவோயிஸ்டுகள் ஆயுதம் ஏந்துகிறார்கள்'' என்கிறது அவர்களது அறிக்கை.
மேற்கூறிய பிரச்சினைகளுக்காக ஏற்கெனவே மக்கள் புரட்சி நடந்து கொண்டிருக்கிறதாம்! அதற்கு இவர்கள் தலைமை தாங்குகிறார்களாம்! புரட்சிக்குத் தலைமை தாங்கும் கம்யூனிஸ்டுகள், புரட்சியில் ஈடுபட்டிருக்கும் மக்களுக்குத் "தன்னிலை விளக்கம்' தந்து புரிய வைப்பதை நாம் இப்போதுதான் கேள்விப்படுகிறோம்.
//

நன்றி. இதே வகையாகத்தான் சற்று முன்னர் இதே கட்டுரையில் "தனியார் மயத்துக்கு எதிராக கிளர்ந்தெழும் மக்களை" பற்றி உங்கள் வரியும் இருந்தது. அதனால்தான் ஒரே குட்டையில் ஊறிய விஷ மட்டைகள் என்றும் நான் முடிவு சொன்னேன்.

//
சிறப்புப் பொருளாதார மண்டலமாக இருக்கட்டும், பிற தனியார்மய நடவடிக்கைகளாக இருக்கட்டும், அவற்றுக்கு எதிரான தன்னெழுச்சியான மக்கள் போராட்டங்கள் நடந்து கொண்டுதான் இருக்கின்றன. இந்த அரசமைப்பின் வரம்புக்குள்ளேயே தத்தம் கோரிக்கைகளை நிறைவேற்றிக் கொள்வதற்கு பல்வேறு மக்கட்பிரிவினர் நடத்தும் இத்தகைய போராட்டங்கள் அவை போர்க்குணமிக்கவையாக இருப்பினும் பொருளாதாரப் போராட்டங்களே.
//

அவை பொருளாதார போராட்டங்கள் மட்டுமின்றி, ஓட்டுப்பொறுக்கி அரசியலின் காரணமாக உருப்படியான விளைவைத்தரும் போராட்டங்களாகும். மேலும் பொருளாதாரம்தான் அரசியல் என்பதுதானே உங்கள் இறைதூதரின் அடிப்படை வாதமே. அதை எப்படி மறந்தீர்கள்?
பொருளாதாரப் பிரசினைகளுக்கு பொருளாதாரப் போராட்டம் நடத்தாமல் மக்கள் என்ன செய்வார்கள்? உங்கள் புரட்சி வெடித்து மலர்ந்து இந்தியாவில் ஒரு சைபீரியாவையும், ஸ்டாலினையும், நள்ளிரவு கைதுகளையும் உருவாக்கும் வரை மக்கள் சகித்துக் கொண்டு, எந்த ஜனநாயகப் போராட்டமும் நடத்தாமல் இருக்க வேண்டும் என்று சொல்கிறீர்கள் இல்லையா? கம்யூனிஸ்டுகளுக்கு இன்றைய பிரசினைகளைத் தீர்ப்பதில், மக்களுக்கு உடனடி நிவாரண முயற்சிகள் வழங்குவதில் பிரசினை தான். ஏனென்றால் அது வெறும் சீர்திருத்தம் தான். மக்களுக்கக புரட்சி என்பது போய், புரட்சிக்காக மக்கள், புரட்சி வரும் வரையில் கஷ்டபடடுங்கள் என்று சாபம் வழங்கும் உங்கள் மனநோய்தான் மார்க்ஸிய-மாவோயிச மனநோயோ?

//
மறுகாலனியாக்க எதிர்ப்பு என்ற அரசியல் கண்ணோட்டமோ, இந்த அரசமைப்பைத் தூக்கியெறிய வேண்டுமென்ற இலட்சியமோ அத்தகைய போராட்டங்களுக்கு இல்லை. அத்தகைய அரசியல் முழக்கங்களை முன்வைத்து மக்களைத் திரட்டுவதுதான் கம்யூனிஸ்டுகளின் கடமை. புரட்சிக்கு மக்களை அணிதிரட்டுவது என்பதன் பொருள் இதுதான். இப்படிப்பட்ட புரிதலோ, இவ்வாறு மக்களைத் திரட்ட முடியும் என்ற நம்பிக்கையோ மாவோயிஸ்டுகளுக்கு இல்லை.
//

ஏன் இந்த அரசமைப்பை தூக்கி எறியவேண்டும்? ஏன் மக்கள் அவ்வாறு நினைக்கவேண்டும்? தெருமூலையில் விளக்கொளி இல்லை, தெருக்கள் சரியாக இல்லை என்பது மக்களின் கோரிக்கையாக இருந்தால், அவர்கள் ஒவ்வொரு ஐந்தாண்டுகளும் மக்களிடம் வந்து ஓட்டு பொறுக்க வரும் உன்னத மக்கள் பிரதிநிதிகளிடம் கேட்கிறார்கள். "அய்யா உனக்கு ஓட்டுப்போடுகிறோம். ஆனால் சாலையை சரி செய், சாலையில் விளக்கொளி போடு" என்று கேட்கிறார்கள். அல்லது அத்தனை நாட்கள் காத்திருக்கத் தேவை கூட இல்லை. ஐந்தாண்டுகளில் பல முறை அந்தப் பிரதிநிதியைச் சந்தித்துத் தம் கோரிக்கையை நிறைவேற்றக் கோரி வற்புறுத்த அந்த மக்களுக்கு உரிமையும், கடமையும் உள்ளன. அதை அம்மக்கள் எப்படிப் பயன்படுத்துகிறார்கள் என்பது செயல் சாமர்த்தியம் சார்ந்தது. ஆயுதம் தாங்கி பெரும் போர் நடத்தச் சாமர்த்தியம் உள்ள வராக அம்மக்களைக் கற்பனை செய்கிறீர்கள், ஒரு சாதாரண எம் எல் ஏ வையோ அல்லது கார்ப்பரேசன் அதிகாரியையோ போய் விரட்டி வேலை வாங்கிக் கொள்ள அவர்களுக்கு முடியாதா? என்ன ஐயா கதை இது?
அந்த மக்கள் பிரதிநிதிகள் ஐந்தாண்டுகள் பிரதிநிதியாக இருக்கும்போது அந்த வாக்குறுதியை நிறைவேற்றலாம், நிறைவேற்றாமல் போகலாம். அப்போது அந்த மக்களிடம் அந்த அரசியல்வாதி திரும்ப வந்துதான் ஆகவேண்டும். காலதாமதமாக நடக்கலாம். இந்த ஐந்தாண்டுகள் கழித்து அடுத்த ஐந்தாண்டுகளில் நடக்கலாம். ஆனால், நடக்கும். அந்த மக்களிடமிருந்து பிரச்னை இல்லாமல் வெற்றி பெற விரும்பும் மக்கள் பிரதிநிதி மக்கள் கேட்டுக்கொண்டதை நிச்சயம் செய்வார்.
ஆனால், நீங்கள் என்ன சொல்கிறீர்கள்? புரட்சி வந்துவிடும். புரட்சி வரும் வரைக்கும் தெருவில் விளக்கொளி வராது. சாலை உருப்படியாக இராது. புரட்சி வந்ததும், ஆட்டமாட்டிக்காக எல்லா தெருக்களிலும் விளக்கு எரியும். எல்லா இடங்களிலும் புத்தம்புது சாலைகள் வந்துவிடும் என்று சொல்கிறீர்கள். அந்த புரட்சி வருவதற்காக எல்லோரும் உங்கள் கட்சியில் சேரவேண்டும் என்று சொல்கிறீர்கள். எவன் சேருவான் உங்கள் கட்சியில்? கையில் இருக்கும் கலாக்காய், மேலே இருக்கும் பலாக்காயை விட மேல் என்பது மக்களுக்கு தெரியாதா? அடைந்தால் மகாதேவி இல்லையேல் மரணதேவி என்று ஒரு கும்பல் உங்கள் பின்னால் வரும். இறுதியில் மரணத்தை தழுவும். அது தியாகமாக உங்களால் பாராட்டப்படும். இது தேவையா? இன்றைக்கே அந்த தெருவிளக்கொளியை கொண்டுவர அதிகாரிகளை சந்தித்தும், பிரதிநிதிகளை சந்தித்தும் நீங்கள் ஏன் வேலை செய்யக்கூடாது?

எவ்வளவு குறைபாடுள்ளதாக இருந்தாலும் ஜனநாயகம் மக்களுக்கு நல்லது. குறைபாடுகள் இல்லாத ஜனநாயகம் உலகத்தில் எங்கும் இல்லை.
ஜனநாயகம் குறைபாடுகள் கொண்டிருக்கிறது என்று நீங்கள் சொல்வதை வைத்து கம்யூனிஸ அடக்குமுறையையையும் அராஜகத்தையும் ஆயுத போராட்டத்தையும் அனார்கியையும் மக்கள் ஏற்றுக்கொள்வார்கள் என்று கனவு காண்கிறீர்கள்.

இந்த ஜனநாயகத்தின் குறைபாடுகளை அடையாளம் காணுங்கள். அதனை நீக்க ஜனநாயக முறைகளை நல்ல வழியே பின்பற்றி முயற்சி செய்யுங்கள். ஏதோ உங்களையே சாகச வீரர்களாகவும், வஜ்ஜிரம் போல உறுதி உள்ளவர்களாகவும் எல்லாம் பாரதம் பாடுகிறீர்களே, அந்த வீர தீர சாகசங்களை எல்லாம் இந்த சுண்டைக்காய் எம் எல் ஏக்களையோ, அரசு அலுவலர்களையோ, மந்திரிகளையோ கிடுக்கிப் பிடி போட்டு வாக்குறுதியை நிறைவேற்ற வைக்கும் செயல் சாமர்த்தியம் பெறப் பயன்படுத்துங்கள்.
ஆக்க பூர்வமாக அமைப்பை வளர்த்து விட முயலுங்கள். எப்போதும் எதை அழிக்கலாம் என்று அலையாதீர்கள். அது மனநோய். மார்க்ஸ், லெனின், ஸ்டாலின், மாவோ என்று நீங்கள் கட்டிச் சேர்க்கும் ஒவ்வொருவரும் ஒரு மனநோயாளிதான். நல்லதையே பார்க்கத் தெரியாத மடையர்கள். இருட்டையே ஒளி என்று வாதிட்ட மூடர்கள். அது அழிவுப் பாதை. நீங்கள் உங்களை அழித்துக் கொள்ள அனைத்து உரிமையும் உங்களுக்கிருக்கிறது. மக்களை அழிவுப்பாதையில் தள்ளாதீர்கள்.
அந்த உரிமை உங்களுக்குக் கிடையாது. நீங்கள் ஜனநாயக அமைப்பின் அனைத்துத் தற்காப்பு வழிகளையும் பயன்படுத்தி களை எடுக்கத்தான் படுவீர்கள்.
இந்த ஜனநாயகத்தின்மூலம் மக்கள் மேலும் வசதி வாய்ப்புகள் பெற முயற்சி செய்யுங்கள். இந்த ஜனநாயகத்தை அதன் மூலம் செழுமை படுத்துங்கள். அது உண்மையிலேயே மக்களுக்கு உழைப்பதாகும்.

//
மாறாக, மக்களை அரசியல் படுத்த ஒரு விபரீதமான முறையைக் கடைப்பிடிக்கிறார்கள், மாவோயிஸ்டுகள். தத்தம் கோரிக்கைகளுக்காக மக்கள் போராடும்போது அவற்றில் கலந்து கொண்டு, அப்போராட்டங்களையே போலீசுடனான மோதலாக மாற்றினால், நிராயுதபாணிகளான மக்களோ போலீசின் அடக்குமுறையை எதிர்கொண்டு செய்வதறியாமல் திகைத்து நிற்பார்கள்; இப்படியாக "அரசு என்பது அடக்குமுறைக் கருவி' என்ற உண்மையை மக்களுக்கு அனுபவபூர்வமாக புரிய வைத்து விடலாம் என்று நம்புகிறார்கள். இப்படியான செயல்கள் மூலம் அவர்கள் மத்தியிலிருந்து முன்னணியாளர்கள் சிலரைத் தமது "ஆயுதக் குழுக்களுக்கு' வென்றெடுக்கிறார்கள். இதுதான் மக்களைப் புரட்சிக்கு அணிதிரட்ட மாவோயிஸ்டுகள் வகுத்திருக்கும் வழிமுறை.
//

இது தவறு என்று சொல்வதற்கு மனம் நிறைந்த என்னுடைய நன்றி. இது ஒரு கேவலமான உத்தி மட்டுமல்ல, இது தீவிரவாதத்தையும் வன்முறைச் சூழலையும் ஒரு மாயச்சுழல் போல உருவாக்கும் உத்தி. அனார்க்கியை உருவாக்க விழையும் பயங்கரவாதிகள் செய்யும் உத்தி. அப்பாவிப் பொதுமக்கள் போலீஸால் சுடப்பட்டு சாவதில் தங்களது அரசியல் சக்தியை வளர்த்துக்கொள்ள விரும்பும் கேடுகெட்ட அரசியல்வியாதிகள் செய்யும் உத்தி.

//
சில சிறப்பான நிலைமைகளில் ஆந்திரம் மற்றும் தண்டகாரண்யாவின் பழங்குடி மக்கள் மத்தியில் தாங்கள் பெற்றிருக்கும் ஆதரவைக் காட்டி, அதனை மக்களின் ஆயுதப் போராட்டம் என்று சித்தரிக்கிறார்கள் மாவோயிஸ்டுகள். இதையே நாடு முழுவதற்கும் விரிவாக்க வேண்டும் என்றும் கூறுகிறார்கள்.
அந்த மக்கள் ஆதரவின் தன்மை என்ன? அது அரசியல் ரீதியான ஆதரவல்ல. ""நம்முடைய கோரிக்கைகளுக்காக நக்சல்பாரிகள் உயிரைக் கொடுக்கிறார்கள்'' என்ற அறவுணர்வின் அடிப்படையில் பழங்குடி மக்கள் வழங்கும் ஆதரவு. இத்தகைய ஆதரவு மக்களிடம் அரசியல் உணர்வை வளர்ப்பதில்லை. மாறாக, அதனை இல்லாமல் செய்து, மக்களை வெறும் பார்வையாளர்களாக்கி விடுகிறது.
//

பழங்குடிமக்கள் உதவி பெறவேண்டிய சூழ்நிலையில் இருக்கிறார்கள். அவர்களுக்கு அரசாங்க உதவியும் அவர்களது நிலப்பாதுகாப்பும் தேவை என்பதை நானும் மறுக்கவில்லை. இது சேவை நிலையங்கள் கல்வி அமைப்புகள் மூலம் அந்த பழங்குடியினர் மத்தியில் அவர்களது கலாச்சாரம் மொழி ஆகியவற்றுக்கு பங்கம் நேராதவாறு அவர்கள் மத்தியில் கல்வியை அதிகரித்து, அதன் மூலம் அவர்களுக்கு தங்களுக்கு இந்திய நாட்டில் என்ன என்ன உரிமைகள் இருக்கின்றன என்று தெளிய வைப்பதன் மூலமே அவர்களது பிரதிநிதிகளும் அவர்களது குரலுக்கு செவி சாய்ப்பார்கள். அந்த வேலையை நீங்கள் செய்யலாமே? ஆயுதப் புரட்சி என்பது நூறாண்டு முயற்சி, அதைச் செய்யத் தயாராக இருக்கும் நீங்கள், ஒரு பத்தாண்டு முயற்சியில் இந்த ஆதிவாசிகளை எல்லாம் மேலேற்ற முடியும்.

//
சமீபத்தில் சிறப்புப் பொருளாதார மண்டலங்களுக்கு எதிராக மாவோயிஸ்டுகள் அறிவித்த "பந்த்'இல் ஆந்திரத்தில் எவ்வித சம்பவமும் இல்லை என்கின்றன பத்திரிகைச் செய்திகள். சட்டிஸ்காரிலோ தொலைபேசி கோபுரம் தகர்ப்பு, மின் கோபுரம் தகர்ப்பு என்பன போன்ற சில இராணுவ நடவடிக்கைகள்தான் நடந்துள்ளன. மக்களின் அரசியல் உணர்வை அமைப்பாக்கிக் காட்டுகின்ற போராட்ட வடிவமான "பந்த்' என்ற நடவடிக்கை, செயலூக்கமிக்க பங்கேற்பின் மூலம் அவர்களுடைய வர்க்க உணர்வை இன்னும் மேம்பட்ட தளத்துக்கு உயர்த்தவேண்டிய ஒரு அரசியல் நடவடிக்கை, அதன் பொருளை இழந்து ஆளும் வர்க்கத்துக்கு "தொந்திரவு தரும் நடவடிக்கையாக'ச் சுருங்கிவிட்டதை நாம் காண்கிறோம்.
ஆந்திரத்தில் தங்கள் அமைப்பிற்குப் பின்னடைவு ஏற்பட்டிருப்பதாக ஒப்புக் கொள்கிறார் மாவோயிஸ்டு கட்சியின் மத்தியக் குழு உறுப்பினர், தோழர் சோனு. (பீப்பிள்ஸ் மார்ச், ஜூலை, 2007) ஆனால், இந்தப் பின்னடைவு குறித்தும்கூட அவர்கள் இராணுவ ரீதியாகப் பரிசீலிக்கிறார்களேயன்றி, அரசியல்ரீதியாகப் பரிசீலிப்பதில்லை.
""அங்கே மாவோயிஸ்டுகள் ஏற்கெனவே நிலைநாட்டியிருப்பதாகக் கூறிக் கொள்ளும் "மக்கள் அதிகாரத்தைப்' பாதுகாத்துக் கொள்ள மக்கள் போராடுகிறார்களா? ராஜசேகர் ரெட்டி அரசுடன் பேச்சுவார்த்தை நடந்தபோது இலட்சக்கணக்கில் திரண்ட மக்கள், பேச்சு வார்த்தையின்போதே போலி மோதல் கொலைகளை அரசு தொடங்கியபோது, அதனை எதிர்த்து அவ்வாறு மக்கள் அணிதிரளாதது ஏன்? மாவோயிஸ்டுகளின் செல்வாக்கு மிகுந்த ஆந்திரத்துக்கு, கடுமையான மக்கள் எதிர்ப்புகள் இன்றி புஷ் விஜயம் செய்ய முடிவது எப்படி? சிறப்புப் பொருளாதார மண்டலங்களில் ஆந்திரம் முன்னிலை வகிப்பதும், நாயுடுவைக் காட்டிலும் தீவிரமாகப் புதிய தாராளவாதக் கொள்கைகளை ரெட்டி அமல்படுத்த முடிவதும், இவற்றுக்கெல்லாம் எதிராக நந்திக்கிராமுடன் ஒப்பிடத்தக்க வகையிலான மக்கள் போராட்டங்கள் எதுவும் ஆந்திரத்தில் நடைபெறாமல் இருப்பதும் ஏன்?'' என்பன போன்ற கேள்விகளை அவர்கள் பரிசீலனைக்கே எடுத்துக் கொள்வதில்லை.
//

நந்திக்கிராமத்தில் அனாதரவான ஏழைகளிடமிருந்து அரசு நிலங்களை அனியாய விலையில் கைக்கொண்டு டாடாவுக்கு தாரை வார்ப்பதை எதிர்த்து மம்தா பானர்ஜியிலிருந்து பாஜக வரை எல்லோருமே எதிர்க்கிறார்கள். குஜராத்தில் இதே போலப் பல தொழிற்சாலைகளுக்கு நிலங்கள் கொடுக்கப்பட்டுள்ளன. பொதுமக்களுக்கும் அவர்களது நலனுக்கு எந்த பங்கமும் வராத அளவுக்கு அவை நடந்தேறியுள்ளன. இதனை ஏன் ஏழைகளின் பிரதிநிதியாக காட்டிக்கொள்ளும் கம்யூனிஸ்டுகள் நந்திக்கிராமத்தில் அராஜகமான முறையில் செய்தார்கள்? ஏன் இந்தியாவில் எந்த மாநிலத்திலும் இல்லாத அளவுக்கு ரேஷன் அரிசிக்காக ஏழைகள் மேற்குவங்காளத்தில் கலவரத்தில் இறங்கினார்கள்?
இந்த கேள்விக்குப் பதிலாக நீங்கள் அவர்களை போலி கம்யூனிஸ்டுகள் என்று கூறலாம். ஆனால், உங்களையும் போலி கம்யூனிஸ்டு என்று இன்னொரு "தூய கம்யூனிஸ்டு" கூட்டம் இப்போதும் சொல்லிக்கொண்டுதான் இருக்கிறது.
ஏன் சிபிஎம் அப்படி மக்களை துச்சமாக மதித்தார்கள், மதிக்கிறார்கள் என்பதற்குப் பதில் இந்த கட்டுரையிலேயே உங்களது "எல்லாம் தெரிந்த " தொனியில் இருக்கிறது. தங்களிடம் மட்டும்தான் உண்மையான ‘விஞ்ஞான’பூர்வமான கம்யூனிஸம் இருக்கிறது. அதனால், மக்களுக்கு என்ன தேவை என்பது தங்களுக்கு மட்டுமே தெரியும் என்ற அராஜக எண்ணத்தில் இருக்கிறது. சற்றே சிந்தித்துப்பாருங்கள். ஃபார்முலாவை உச்சாடனம் செய்வது எளிது. உருப்படியாகத் தானாகச் சிந்திப்பது கடினம். கடின வேலையைச் செய்யுங்கள்.

//
""அடக்குமுறை இருப்பதால் மக்கள் திரளவில்லை, இல்லையென்றால் மக்கள் திரளுவார்கள்'' என்ற எளிய சூத்திரத்தைச் சொல்லி ஆறுதல் அடைந்து கொள்கின்றனர். வரலாறு நெடுகிலும் நடந்திருக்கின்ற மக்களின் அரசியல் ரீதியான எழுச்சிகளோ, நம் கண் முன்னே காஷ்மீரிலும், மணிப்பூரிலும் ஏன், நந்திக்கிராமிலும் அடக்குமுறைகளை மீறிக் கிளர்ந்தெழும் மக்கள் எழுச்சிகளோ கூட (அவை வேறு யார் தலைமையிலானவையாக இருந்தாலும்) மாவோயிஸ்டுகளுடைய கண்களைத் திறக்கவில்லை. ஏனெனில், அவர்களுடைய சுத்த இராணுவக் கண்ணோட்டம், மக்களின் அரசியல் முன்முயற்சி பற்றிக் கவலைப்படுவதில்லை. "தமது ஆயுத நடவடிக்கைகளுக்கு உதவுவது' என்ற கோணத்தில் மட்டுமே மக்களின் ஆதரவு குறித்துக் கவலைப்படுகிறார்கள்.
//

"அடக்குமுறை இருப்பதால் மக்கள் திரளவில்லை, இல்லையென்றால் மக்கள் திரளுவார்கள்'' இது சூத்திரமா? கம்யூனிஸ்டுகள் எதையும் தலைகீழாகத்தான் புரிந்துக்கொள்வார்களோ?
அடக்குமுறை அதிகமாக அதிகமாக மக்கள் அடக்குமுறைக்கு எதிராக திரளுவார்கள். அடக்குமுறை இல்லையேல், எதனை எதிர்த்து மக்கள் திரளுவார்கள்?

அடுத்து, மக்கள் எழுச்சி என்றால் என்ன? நீங்கள் சொல்வதையெல்லாம் மக்கள் எழுச்சி என்றால், ஐம்பது பேர் கூட்டம் சேர்த்துக்கொண்டு நான்கு பேரை கொலை செய்தால் அது மக்கள் எழுச்சியா? பாகிஸ்தானிலிருந்து காஷ்மீருக்குள்ளே வந்து, அங்கிருக்கும் பர்தா அணியாத பெண்கள் மீது ஆசிட் ஊற்றுவது மக்கள் எழுச்சியா? அப்படியானால், மு க அழகிரி கூட்டம் சேர்த்து தினகரன் அலுவலகத்தில் இருந்த மூன்று கம்ப்யூட்டர் என்ஜினியர்களை கொலை செய்தது, கிளர்ந்தெழும் மக்கள் எழுச்சியா? மக்கள் எழுச்சிக்கு என்ன இலக்கணம் வைத்திருக்கிறீர்கள்? டியனன்மேன் சதுக்கத்தில் மாணவர்கள் போராடியது மக்கள் எழுச்சியா? இல்லையென்றால் ஏன்? எப்படி?

//
""மாவோயிஸ்டுகளின் கொள்கைகளை மறைத்து விட்டு அவர்களை வெறும் ஆயுத மோகம் கொண்ட தீவிரவாதிகளாகக் காட்ட ஊடகங்கள் முயல்கின்றன'' என்று மாவோயிஸ்டு தமிழ் மாநிலக் குழு வெளியிட்டுள்ள அறிக்கை கூறுகிறது. ஊடகங்கள் அவதூறு செய்வது இருக்கட்டும், உண்மை நிலவரமென்ன? "" ஆயுதப் போராட்டத்தில் ஈடுபட்டிருக்கிறார்களா என்பதுதான் ஒரு அமைப்பை புரட்சிகர அமைப்பு என்று மதிப்பிடுவதற்கான முன் நிபந்தனை'' என்று மாவோயிஸ்டு அமைப்பினர் கொண்டிருக்கும் கருத்துக்கும், சிறுபிள்ளைத்தனமான பெரியகுளம் ஆயுதப்போராட்டத் தயாரிப்புக்கும் வேறென்ன பொருள்? "புரட்சிகர அரசியலின் பௌதிக வடிவமே துப்பாக்கிதான்' என்று கருதும் சிந்தனைதானே இதில் வெளிப்படுகிறது!
//

புரட்சிகர அரசியலின் பௌதிக வடிவமே துப்பாக்கிதான் என்றுதானே நீங்கள் தினந்தோறும் தெண்டனிட்டு வணங்கும் மார்க்ஸ், எங்கெல்ஸ், லெனின் மாவோ ஆகியோரும் கூறியிருக்கிறார்கள்? அவர்கள் மார்க்ஸிய, எங்கலிஸ, லெனினிய மாவோயிஸ அறிவியற்பூர்வமான விஞ்ஞானப்பூர்வமான புரட்சி பாதையில்தானே செல்கிறார்கள்?சரி விஞ்ஞானப்பூர்வம் என்ற தலைப்பில் அவ்வப்போது கொள்கையை மாற்றிக்கொள்ளலாம் என்றால், எது திரித்தல்வாதம், எது விஞ்ஞானப்பூர்வமான முன்னெடுப்பு என்பதனை வித்தியாசப்படுத்தி காட்ட ஏதேனும் டெஸ்ட் ட்யூப், பரிசோதனைகள் வைத்திருக்கிறீர்களா?

//
""அரசியல் போராட்டத்தின் முதிர்ந்த வடிவம்தான் ஆயுதப்போராட்டம் என்பதையும், அரசியல் போராட்ட அனுபவத்தினூடாக ஆயுதப் போராட்டத்தின் அவசியத்தை மக்கள் உணரச் செய்ய வேண்டும்'' என்று நாம் கூறுவதையும் மாவோயிஸ்டு அமைப்பினர் ஏளனத்துடன் மறுக்கிறார்கள். ""மக்கள் ஆயுதப்போராட்டத்துக்குத் தயாராகத்தான் இருக்கிறார்கள். சும்மா எத்தனை நாள் பேசிக்கொண்டே இருக்க முடியும்? நாம்தான் ஆயுதப் போராட்டத்தைத் தொடங்க வேண்டும்'' என்று அரசியலையே வீர வசனமாகச் சுருக்குகிறார்கள்.
மக்களைப் புரட்சிக்கு அணியமாக்குவதும், தலைமை தாங்குவதும்தான் கம்யூனிஸ்டுகளுக்குரிய பணியே அன்றி, மக்களின் சார்பாகப் புரட்சி செய்வதல்ல. புரட்சி என்பது ஆளும் வர்க்கங்களுடன் புரட்சியாளர்கள் "ஒண்டிக்கு ஒண்டி' நடத்தும் சண்டையும் அல்ல. ஆனால், மக்களுக்கு விடுதலையை "வழங்கப் பொறுப்பேற்றிருக்கும்' இடது சாகசவாதம் இப்படித்தான் கருதிக் கொள்கிறது.
//

ஆக முன்னரே சொன்னதுபோல கொலைகளுக்கு மக்களை தயார்படுத்திவிட்டுத்தான் கொலை செய்யவேண்டும் என்று நீங்கள் சொல்கிறீர்கள். இடதுசாரி சாகசவாதிகள் என்று நீங்கள் கூறும் அவர்களோ இன்றே கொலை செய்யலாம் என்று சொல்கிறார்கள். எப்போது கொலை செய்யலாம் என்பதுதான் உங்களிடையே இருக்கும் வித்தியாசம், இல்லையா?

//
வலது சந்தர்ப்பவாதிகளான போலி கம்யூனிஸ்டுகள் புரட்சிக்கு இழைக்கும் துரோகம் எளிதில் அம்பலமாகிவிடுகிறது. ஆனால், இடது சாகசவாதமும் புரட்சிக்கு இழப்பைத்தான் ஏற்படுத்துகிறது என்பதைப் பலர் புரிந்து கொள்வதில்லை. சிறையையும் சித்திரவதையையும் சந்திக்கும் அந்தத் தோழர்களின் தனிப்பட்ட இழப்பாக மட்டுமே இது புரிந்து கொள்ளப்படுகிறது.
""பயங்கரவாதப் படையான அதிரடிப்படையை அனுப்புவதன் மூலம் மாவோயிஸ்டு புரட்சியாளர்களை மட்டுமல்ல, இச்சமூக அமைப்பை எதிர்த்துப் போராடும் அனைவரையும் மிரட்ட முயற்சிக்கிறார் கருணாநிதி'' என்று தமது அறிக்கையில் குறிப்பிட்டிருக்கிறது, மாவோயிஸ்டு கட்சியின் தமிழ் மாநிலக் குழு.
உண்மைதான். ஆளும் வர்க்கத்தின் அடியாட்படையான அரசு எந்திரமும் அதிரடிப்படையும் மக்கள் அனைவரின் பொது எதிரி என்பதில் எவ்வித ஐயமும் இல்லை. ஆனால், அந்த எதிரிப்படை தன்னை நாயகனாகச் சித்தரித்துக்கொள்ளவும், தன்னுடைய பயங்கரவாத நடவடிக்கைகளை நியாயப்படுத்திக் கொள்ளவும், புரட்சியாளர்களை மக்களிடமிருந்து தனிமைப்படுத்தவும் மாவோயிஸ்டுகளின் இந்த நடவடிக்கை எதிரிக்கு வாய்ப்பை ஏற்படுத்திக் கொடுத்திருக்கிறது. இது புரட்சிக்கு ஏற்படும் இழப்பு என்பதை இனிமேலாவது அவர்கள் புரிந்து கொள்ளப் போகிறார்களா என்பதுதான் கேள்வி.
— ஆசிரியர் குழு
//

"நடவ்டிக்கை எடுக்க" வாய்ப்பை ஏற்படுத்திக் கொடுக்கிறது என்பது தான், சாகசக் காரர்களின் மீது இவர்கள் குற்றச்சாட்டு. மக்களைக் கொலைசெய்த படுபாவிகள் வெறும் சாகசக்காரர்களாய் ஆகிவிட்டார்கள். கொலை செய்யப்பட்ட மக்கள் மீது துளியும் அனுதாபமோ, மனிதாபிமானமோ இல்லாமல், புரட்சி ஏற்படுத்த இந்த மடமக்கள் தடையாய் இருக்கிறார்கள் , இந்த அரசு எப்படி ஆளும்வர்க்க,நவகாலனிய, தரகு முதலாளித்துவ புண்ணாக்கு என்று புரிந்து கொள்ளாமல் இருக்கிறார்களே என்று மக்கள் மீது பாவம் இவர்களுக்குக் கோபம். மக்களை மாக்களாய் எண்ணுபவர்கள் இவர்கள் தானே தவிர தம் கொள்கைகளை மக்களுக்கு விளக்கிப் பேசி ஜனநாயகத்தில் பங்கெடுக்கச் செய்து அவர்களின் ஆதரவில் ஆட்சிக்கு வரும் அரசியல்வாதிகள் அல்ல. இந்த கொலைவெறியர்களும் ஒப்பிடுகையில் கலைஞரும், ஜெயலலிதாவும், கோவில் கட்டிக் கும்பிட வேண்டியவர்கள். மக்களை மதிப்பவர்கள்.
அதிரடிப் படையை அனுப்பி மக்களைக் காப்பாற்ற வேண்டிய பொறுப்பு அரசிற்கு இருக்கிறது. இந்த புரட்சிவசனகர்த்தாக்களின் ஆயுதக் கிடங்கிலிருந்தும், கொலைவெறியிலிருந்தும் மக்களைக் காப்பாற்றி , உண்மையான ஜனநாயகத்திற்கு அரணாக இருக்குமாறு அதிரடிப் படையை அனுப்பிய கலைஞரை மனதாரப் பாராட்டுவோம்.
துப்பாக்கி முனையில் அரசியல் அதிகாரம் பிறகிறது என்று திருவாய் மலர்ந்தருளிய வன்முறை ஜார் மாஓவின் வழி வந்தவர்கள் இந்த புரட்சிக்காரர்கள். ஓட்டுப் போட்டு மக்கள் தேர்ந்தெடுப்பவர்கள் எல்லாம், ஆளும் வர்க்கத்தின் கைப்பாவையாம். ஓட்டெல்லாம் தேவையில்லை, வெடிக்காய் வியாபாரம் பண்ணி புரட்சியை விலைக்கு வாங்குவதற்காக, அப்பாவி மக்களை பலியிடும் இவர்கள் புரட்சிக் காரர்களாம்.
ஆளும் வர்க்கம் என்று ஒன்றும் இல்லை. பாரதிய ஜனதா கட்சியும், காங்கிரசும், மாயாவதியும், லல்லுபிரசாத் யாதவும், நாளைக்கு பிகாரில் ஆட்சிக்கு வரக்கூடிய சிபிஎம்-எலும் ஆளும் வர்க்கம் இல்லை. இவர்கள் தேர்தலில் நிற்கிறார்கள். மக்கள் ஓட்டுப்போட்டால் ஜெயிக்கிறார்கள். மக்கள் ஓட்டுப்போடவில்லை என்றால், தோற்கிறார்கள். மக்கள் பிரச்னைகளை மேற்கொண்டு மக்களிடம் சென்றால் அவர்கள் ஓட்டுப்போடுவார்கள். இல்லையேல் போய் வா என்று அனுப்புவார்கள்.

புரட்சி என்ற பெயரில் கொலைகளும், ஆள்மறைவும், உழைப்ப்பு முகாம்கள் என்ற பெயரில் திறந்த வெளிச்சிறைச்சாலைகளும், மாற்றுக் கருத்துகளை முடக்கி, மாற்றுக் கருத்துக் கொண்டவர்களை கொன்று நாட்டைப் பிணக்காடாக்கிய ஸ்டாலின், மாஓவின் வாரிசுகள் என்று தமிழ்நாட்டில் வேர் ஊன்றலாகாது என்று ஒவ்வொரு தமிழரும் சபதம் மேற்கொள்வோ. நாமார்க்கும் குடியல்லோம் என்று உரைத்த கவிஞன் அடிமைத்தனத்துக்கு எதிராய் உரைத்த கவிஞன் வாழ்ந்த நாடு தமிழ் நாடு, எப்பொருள் யார்யார் வாய்க் கேட்பினும் மெய்ப்பொருள் காண்பது அறிவு என அறிவுக்கு முக்கியத்துவம் கொடுத்த மரபு தமிழ் மரபு. அறிவுக்கும், உணர்விற்கும், மனிதாபிமானத்துக்கும், ஜனநாயகத்திற்கும் எதிரான மாஒயிச, ஸ்டாலினிச கொடுங்கோன்மை கருத்துகளுக்கு இங்கே இடம் இல்லை

வாழ்க ஓட்டுப்பொறுக்கி அரசியல்!

நண்பர் ஜமாலனுடன் விவாதம்

ஜமாலன் said...

//கம்யூனிஸ அமைப்பில்
சாலைகளில் கார்கள் எப்படி செல்லவேண்டும் என்ற விதிமுறைகளை யார் வகுப்பார்கள்?

மக்கள் வகுப்பார்கள் என்று சொன்னால், "மக்கள்" விதிகளை வகுக்கும்போது மக்களினிடையே கருத்து மாறுபாடுகள் வந்தால் அதனை எப்படி தீர்ப்பீர்கள்?//

இது எனது பதில்:..

கம்யூனிஸ சமுகம் என்பது மக்கள் தங்களைத்தாங்களே ஆள்வதற்கு பயிற்றுவிக்கப்பட்ட ஒரு சமூகம். அதில் இதுபோன்ற அபத்தமான விதிமுறை பிரச்சனைகள் எல்லாம் வராது. மக்கள் தங்களைத்தாங்களே ஆள்வது என்றால்.. அறங்களை ஒழுங்குகளை தாங்களே பயின்றவர்கள் அல்லது அதற்கான சிந்தனை முறைகளைக் கொண்டவர்கள் என்று பொருள். வர்க்க சமூகம்தான் இதுபோன்ற ஏற்றத்தாழ்வான பொருத்ததமற்ற சிந்தனைகளை உருவாக்கும். அரசற்ற புராதன சமூகங்களில் மனிதகுலம் வாழ்ந்து தழைத்ததால்தான் இன்று இங்கு வந்து நம்மால் மணி ஆட்ட முடிகிறது. அல்லது கடவுள் படைக்கம்போதே ஆரசன் அடிமை என்று இரண்ட மனிதனை படைத்திருக்க வேண்டும். ஏன் அவர் ஒன்ற படைத்தாராம்? அன்றே ஒருவரை ஒருவர் இன்றுபோல் காலை வாருவது உயர்வு தாழ்வு பார்ப்பது சுரண்டுவது என்கிற வர்க்க அமைப்பாக இருந்தால் குறைவான மக்களைக் கொண்ட அந்த சமூகம் ஒருவனை ஒருவன் அடித்துக் கொண்டு செத்திருக்கும். இப்ப யாரும் இங்கு வந்து அணாணியாகி ஜோக் அடித்துக் கொண்டு சைபீரியா என சல்லி அடித்துக் கொண்டிருக்க முடியாது.

நன்றி.


24. Oktober 2007 06:53

என் பதில்

தமிழ்மணி said...
ஜமாலன்,
உங்கள் கருத்துக்கு நன்றி
//
கம்யூனிஸ சமுகம் என்பது மக்கள் தங்களைத்தாங்களே ஆள்வதற்கு பயிற்றுவிக்கப்பட்ட ஒரு சமூகம். அதில் இதுபோன்ற அபத்தமான விதிமுறை பிரச்சனைகள் எல்லாம் வராது.
//

வரலாமே? ஒரு கார் அல்லது ஒரு பொருள் என்று வந்துவிட்டால், அதனை எப்படி உபயோகிப்பது என்பது எல்லோரும் எப்படி தெரிந்திருக்க முடியும்?
இப்படித்தான் இந்த கருவி உபயோகிக்கப்படவேண்டும் என்று விதிமுறைகளை எழுதித்தானே ஆகவேண்டும்?

//
மக்கள் தங்களைத்தாங்களே ஆள்வது என்றால்.. அறங்களை ஒழுங்குகளை தாங்களே பயின்றவர்கள் அல்லது அதற்கான சிந்தனை முறைகளைக் கொண்டவர்கள் என்று பொருள்.
//
ஒன்றே போல அறங்களையும் சிந்தனை முறைகளையும் பயின்றவர்கள் ஒரே கருத்து கொண்டவர்களாக இருக்க முடியுமா?
ஒரே இயற்பியல் பயின்றவர்கள் கருந்துளைபோன்ற விஷயங்களில் வெவ்வேறு கருத்து கொண்டிருந்ததை பார்த்தோமே? அந்த கருத்துக்கள் அவர்கள் எந்த வர்க்கத்தை சார்ந்தவர்கள் என்பதாலா வந்தது? சாதாரண கருத்து வேறுபாடு தானே?

// வர்க்க சமூகம்தான் இதுபோன்ற ஏற்றத்தாழ்வான பொருத்ததமற்ற சிந்தனைகளை உருவாக்கும்.
//
கருத்து வேறுபாடு என்று இருந்தாலே ஒருவருக்கு மற்றவர் கருத்து பொறுத்தமற்ற்தாகத்தானே தெரியும்.

// அரசற்ற புராதன சமூகங்களில் மனிதகுலம் வாழ்ந்து தழைத்ததால்தான் இன்று இங்கு வந்து நம்மால் மணி ஆட்ட முடிகிறது.
//

புராதன சமூகங்களில் எத்தனை பேர் வாழ்ந்தார்கள் ?
நவீன சமூகங்களில் எத்தனைபேர் வாழ்கிறார்கள்?
இன்றைக்கும் இருக்கும் புராதன சமூகங்களில் எத்தனை பேர் வாழ்கிறார்கள்?
எந்த சமூகத்தில் மக்கள் பெருக்கம் ஏற்படுகிறது என்பதை ஆதாரத்துடன் காட்டுங்கள்.


24. Oktober 2007 10:53

ஜமாலன் said...

இங்கு நடப்பது விவாதமல்ல.. முன்முடிவுகளை தீர்மானமாக பிறர் மண்டைக்குள் திணிக்கும் ஆத்திரமும் அவசரமும்தான். எதற்கும் ஆதாரம் காட்டாதபோது... விவாதிப்பதில் அர்த்தமில்லை.

சோற்றுக்கு வழியற்ற நிலையில் கார் பற்றி விவாதம் துவக்கியபோதே.. இதனை நிறத்தியிருருக்க வேண்டும். தோழர் ஆசாத் உணர்ச்சி வசப்பட்டு விட்டார்.

தியாகு கூறியதுபோல். மாற்று என்ன என்பது குறித்து விவாதியுங்கள் அதைவிட்டவிட்டு அவதூறு பரப்ப வேண்டாம். கம்யூணிஸம் இல்லாமல் மக்கள் 'சுபிட்சமாக' வாழ என்ன திட்டம் உள்ளது?

நன்றி.


24. Oktober 2007 23:37

தமிழ்மணி said...

ஜமாலன்,
உங்கள் பின்னூட்டத்துக்கு நன்றி

//ஜமாலன் said...
இங்கு நடப்பது விவாதமல்ல.. முன்முடிவுகளை தீர்மானமாக பிறர் மண்டைக்குள் திணிக்கும் ஆத்திரமும் அவசரமும்தான். எதற்கும் ஆதாரம் காட்டாதபோது... விவாதிப்பதில் அர்த்தமில்லை.
//
எனக்கு அவசரமில்லை. மெதுவாகவே விவாதிக்கலாம்.

//
சோற்றுக்கு வழியற்ற நிலையில் கார் பற்றி விவாதம் துவக்கியபோதே.. இதனை நிறத்தியிருருக்க வேண்டும். தோழர் ஆசாத் உணர்ச்சி வசப்பட்டு விட்டார்.
//

கார் வெறும் உதாரணம் மட்டுமே.

//
தியாகு கூறியதுபோல். மாற்று என்ன என்பது குறித்து விவாதியுங்கள் அதைவிட்டவிட்டு அவதூறு பரப்ப வேண்டாம். கம்யூணிஸம் இல்லாமல் மக்கள் 'சுபிட்சமாக' வாழ என்ன திட்டம் உள்ளது?

நன்றி.
//
கம்யூனிஸத்தின் மூலம் மக்கள் சுபிட்சமாக வாழ முடியுமா என்று நான் தெரிந்துக்கொள்ளலாமே?

நன்றி


25. Oktober 2007 12:57

நண்பர் தியாகுவுடன் விவாதம்

கீழ்க்கண்ட கதையை எனக்கு விளக்கமாக நண்பர் தியாகு எழுதியிருக்கிறார்.
அதனை இங்கே பதிந்துள்ளேன்.
இதில் எனக்கு இருக்கும் கேள்விகளை எழுதுவேன்.

நன்றி

புலிகேசியின் பயணத்தில் ஒரு நாள் -கம்யுனிச சமூகம்

ஒரு நாள் தனது டைம் மிசின் மூலம் சில பத்தாண்டுகள் கழித்து உலகின் அந்த நாளில் அதாவது அவன் விரும்பிய நாளில் போய் இறங்கினான் நம்ம புலிகேசி


கார்கள வரிசையாக செல்லும் மிக அகண்ட சாலையில் தானும் ரோட்டோரத்தில் நின்ற ஒரு காரை எடுத்து ஓட்ட துவங்கினான் .


காரில் ஏறி அமர்ந்ததும் அவனுக்கு அதில் இருந்த கணினி உத்தரவுகளை வழங்கியது .

நீங்கள் எங்கே போக விரும்புகிறீர்கள்

இதென்னடா இப்படி கேட்குதேன்னு முழிச்சுட்டு

நான் முருகன் இட்லி கடைக்கு போகனும்

மன்னிக்கவும் கம்யூனிச சமூகம் ஏற்பட்டதும் பொது உணவு கூடங்கள் ஏற்படுத்தப்பட்டு இருக்கு அங்கே அழைத்து செல்கிறேன் .


சரி போ என்றான் நம்ம புலிகேசி


ரோட்டில் நடப்பவர்கள் எச்சில் துப்ப அதற்கென இருக்கும் இடத்தில் துப்புகிறார்கள்

ரோட்டோரம் ஒரு போலீஸ்காரர் நிற்க வில்லை

(தவறி ரோட்டில் துப்புபவர்கள் ஸ்கேன் செய்யப்பட்டு அபராத தொகை அவரது மின்னஞ்சலுக்கு அனுப்பி வைக்கப்படும்)

ஆகா வம்மா போச்சே நம்மாளு ஒரு வண்டி வெத்தலைய போட்டு துப்புவாங்களே என்ன செய்ய போறானுகளோன்னு நினைத்துகொண்டான் புலிகேசி போலீஸ் துறை என்ன செஞ்சுட்டு இருக்கானுககேட்டான் கணினியை

"குற்றம் நடப்பதை மட்டுமே கண்டறியும் துறையாக இருந்த அது இப்போது ஒரு கவுன்சிலிங் துறையாக மாறிவிட்டது குற்றத்தின் சதவீதம் புள்ளி ஒரு சதவீதத்துக்குமேல் குறைந்ததால் சிறை சாலைகள் பூங்காக்களாக மாற்றப்பட்டன "

இன்னும் நிறைய சந்தேகம் வந்தது நம்ம ஆளுக்கு சரி இந்த ஊரில் உள்ள வயசான பெரியவர நம்ம வண்டியில் அழைத்து உக்காரவைச்சு சந்தேகத்தை எல்லாம் கேட்போம்னு நிறுத்த சொன்னான்.பெரியவர் காரில் ஏறியது தனது சந்தேக மூட்டையை அவிழ்த்து கொட்ட ஆரம்பித்தான் புலிகேசி

அய்யா பெரியவரே

"இன்னாய்யா வம்பா போச்சு போலீஸ் இல்லை லஞ்சம் இல்லை பிறகு அரசாங்கம் என்னா செய்யுது வரி எப்படி கிடைக்குது "


"மக்களின் மேல் வரியை சுமத்தி வர்க்க சார்பான அடக்குமுறை கொண்ட அரசு இல்லை இப்போ அரசு என்பது இப்போ கணினி களை நிர்வகிக்கும் நிறுவனம் மட்டுமே மேலும் அதன் அதிகார பல் புடுங்கப்பட்டு விட்டது "

(அரசு என நீங்கள் நினைத்து கொண்டு இருக்கும் அமைப்பு இப்போது இல்லவே இல்லை )


ஆகா அப்போ எம் எல் ஏ க்கள் சண்டை போடும் சட்டசபை , தேர்தல் எல்லாம் இல்லையா?

எவனும் கொள்ளை அடிக்க முடியாதா? நம்ம புலிகேசிக்கு ரொம்ப ஆச்சரியம்


அரசே இல்லை என்றாகிய பின் அரசியல் வாதிகளின் தேவை இல்லை. அறிக்கைகள விட்டு கூட்டனி மாறி காமெடி செய்வதெல்லாம் இல்லை

சரிப்பா கற்பழிப்பு எல்லாம் நடக்காதா தனது மன அரிப்பை காட்டியே விட்டான் நம்ம ஆளு

"பெண்களை ஆண்கள் புரிந்து கொள்ளவும் ஆண் பெண் எனும் பால் வேறுபாட்டை தீர்க்கவும் மான யோசனைகள் முறைகள் கொடுக்கப்பட்டு வேறுபாடுகளும் பெண் மீதான பாலியல் அத்துமீறல்களும் குறைக்கப்பட்டு இம்மாதிரி வன்புணர்ச்சி என்பது சோசலிச சமூகத்தில் தீர்க்கப்பட்டு விட்டது "
சரீ இதெல்லாம் யோசிச்சு செயல்படுவார்களே அவர்கள் தான் இந்த சமூகத்தில் பெரிய பதவியில் இருப்பார்களோ

"சிந்திக்கும் கூட்டத்துக்கு முதல் மரியாதை தரும் சமூகம் இல்லை உடல் உழைப்பு மூளை உழைப்புன் இடைவெளி குறைக்கபட்டது கம்யூனிச சமூகத்தில் இரண்டுக்கும் ஒரே மதிப்பும் ஒரே சம்பளமும் வழங்கப்படுகிறது அதாவது திறமைக்கேற்ற வேலை தேவை கேற்ற ஊதியம் வழங்கப்படும் போது இரண்டும் வித்தியாசத்தை இழந்து விட்டன "

அப்போ மருத்துவரும் கொசு மருந்தடிப்பவனும் ஒன்னா

"ஆமாம் ஏனெனில் ஒரு மனிதனை தன் வாழ்நாள் பூராவும் ஒரே வேலையை பார்க்கும் படி
நிர்பந்தித்த முதலாளித்துவ சமூகம் சோசலிசத்தில் மாற்றப்பட்டது

எல்லா மனிதர்களுக்கு சம அளவில் கல்வி வாய்ப்பு வழங்கப்பட்டதால் அவன் தனக்கு தேவையான துறையில் கல்வி கற்கவும் ஆராய்ச்சி செய்யவும் சோசலிச சமூகம் அனுமதித்ததால் ரொம்பவும் உடல் உழைப்பு தேவைப்படும் வேலைகள் ரோபோட்களை கொண்டும் செய்யப்படுவதால் இங்கே வேலையை வைத்து ஒருவனின் வாழ்நிலை தீர்மானிக்கப்படுவதில்லை "

ஆகவே ஒப்பிட்டு நோக்கும் அளவு வேறு பாடே இல்லை என்ற இடத்தில் நீ ஏன் ஒப்பிட்டு பார்க்கிறாய் "

இருந்தாலும் நம்ம புலிகேசிக்கும் மூளை உழைப்பாளிகள் மதிக்கப்படனும்
எனும் சந்தேகமும் கோபமும் இருந்து கொண்டே இருந்தது இதுக்கு என்ன பதில் என அவன் கேட்க பெரியவர் சொன்னார் தம்பி நீ முதலாளித்துவ அழுக்கு சமூகத்தில் இருந்து நேரடியாக வந்தவன் முதலில் நீ சோசலிசத்துக்கு போ உனது மிசின் மூலம் பிறகு இங்கே வா

மேலும் ஒரு இரண்டாயிரம் ஆண்டுக்கு முந்திய ஒரு சமூகம் உனது செல்பேசியையோ தொலைக்காட்சியையோ புரிந்து கொள்ளவோ அல்லது ஓட்டு போட்டு ஆளும் உங்கள் ஜனநாயகத்தை அடிமை வர்க்கம் எப்படி புரிந்து கொள்ளாதோ அதை போல உற்பத்தி சக்திகளின் மாற்றத்தால் உற்பத்தி உறவுகளில் மாற்றம் ஏற்பட்டு மாறிவரும் இந்த சமூக அமைப்புகளை புரிந்து கொள்ள முதலில் உற்பத்தி சக்திகளுக்கும் உற்பத்தி உறவுகளுக்கும் சமூகத்துக்கும் இடையிலான தொடர்புகளை பற்றி எழுதிய மார்க்சிய மூலவர்கள் எழுதிய போன நூற்றாண்டின் நூல்களை படி என சொல்லி இறங்கி போனார்

--
தியாகு


எழுதியவர் தியாகு

--
நண்பர் தியாகுவுக்கு என் கேள்விகள்

//(தவறி ரோட்டில் துப்புபவர்கள் ஸ்கேன் செய்யப்பட்டு அபராத தொகை அவரது மின்னஞ்சலுக்கு அனுப்பி வைக்கப்படும்) //

இங்கே ரோட்டில் துப்புவது தவறு என்பது ஒரு விதிமுறை. அந்த விதிமுறையை உருவாக்கியது யார்? எந்த முறையில் (In what process) இந்த விதிமுறை உருவாக்கப்பட்டது?

அபராத தொகை என்பது பணமா? அப்படியானால் கம்யூனிஸ சமூகத்தில் பணம் உண்டா?

அந்த அபராத தொகை எங்கே அனுப்பி வைக்கப்படும்?

ரோட்டில் துப்புவதற்கு 100 ரூபாய் அபராதம் என்றால், 100 ரூபாய் என்று நிர்ணயித்தது யார்?

இரண்டாவது கேள்வி

//குற்றத்தின் சதவீதம் புள்ளி ஒரு சதவீதத்துக்குமேல் குறைந்ததால் சிறை சாலைகள் பூங்காக்களாக மாற்றப்பட்டன //

குற்றத்தின் சதவீதம் புள்ளி ஒரு சதவீதத்துக்கு குறைந்தாலும், குற்றங்கள் இருக்கின்றன.
அந்த குற்றங்கள் என்ன?
இவை குற்றங்கள் என்று யார் விதிமுறை செய்தது?
எந்த பிராஸஸ் மூலம் இந்த விதிமுறைகள் உருவாயின?

மேலும் தொடரும்.
நன்றி நண்பர் தியாகு.

தமிழ்மணி said...

ரோட்டில் துப்புபவர்களுக்கு தண்டனை என்பது ஒரு அதிகாரத்தின் வெளிப்பாடு இல்லையா?

25. Oktober 2007 08:23

தமிழ்மணி said...

நன்றி தியாகு,
மேலும் ஒரு கேள்வி
//ரோட்டில் நடப்பவர்கள் எச்சில் துப்ப அதற்கென இருக்கும் இடத்தில் துப்புகிறார்கள்

ரோட்டோரம் ஒரு போலீஸ்காரர் நிற்க வில்லை

(தவறி ரோட்டில் துப்புபவர்கள் ஸ்கேன் செய்யப்பட்டு அபராத தொகை அவரது மின்னஞ்சலுக்கு அனுப்பி வைக்கப்படும்//

அப்படியானால் ஸ்கேன்கள் கண்டுபிடிக்கப்படும்வரைக்கும் கம்யூனிஸம் வராதா?

ஸ்கேன்கள் கண்டுபிடிக்கப்படாத காலத்தில் கம்யூனிஸம் வந்தால், அங்கே போலீஸ்காரர் நிற்பாரா?

நன்றி

தியாகு said...

உங்கள் கேள்விகளுக்கு நன்றி நண்பர்
தமிழ் மணி ,

கம்யூனிச விதிகளால் இயக்கப்படுவதில்லை

விதிகளும் விதிகளை பாதுகாக்கும் சட்டங்களும் சட்டங்களை நடைமுறை படுத்தும் காவல்துறையும்

நீதிமன்றங்களும் எனும் இந்த அமைப்பு

விதிகள் இல்லாமல் ஒரு சமூகம் இயங்க முடியாது எனும் கருத்தில் அடிப்படையில் வந்ததுதான் எனும் கேள்வியில் இருந்தே.

ஒரு கம்யூனிச சமூகம் எப்படி விதிகள் இல்லாமல் இயங்க முடியும் எனும் அடிப்படி கேள்விக்கு வந்து விட்டீர்கள்

உண்மைதான் விதிகள் இல்லாமல் எப்படி ஒரு சமுகம் இயங்கும்

ஆனால் நண்பரே இங்கே கம்யூனிச சமூகம் விதிகளால் இயக்கப்படுததில்லை


communist soceity not run by rules and laws

but run by principles

Scientific definition:

# A classless society with no exploitation. No state machine used by one section of the population to oppress another section. No need for professional armies or police forces. No use of production for profit or exchange. Society runs in accord with the principle: From each according to his ability, to each according to his need.

பிரின்ஸ்பில் என்பதன்

தமிழாக்க படுத்தினால்

ஏற்றுக்கொள்ளப்பட்ட நடைமுறை செயல்

இம்மாதிரி ஏற்றுக்கொள்ளப்பட்ட நடைமுறை செயல் இந்த சமூகத்திலும் நிறைய இருப்பதை காணலாம்

அவ்வாறு என்னென்ன நடைமுறை செயல் கள் இருக்கின்றன என சொல்லுங்கள் பார்ப்போம்

மேற்கொண்டு தொடரலாம்

October 26, 2007

என் பதில்

நன்றி நண்பர் தியாகு.

மேலே குறிப்பிட்ட கேள்விகளுக்கு பதில் ஏதும் இல்லையா?

ஆனால், நீங்கள் குறிப்பிட்ட கம்யூனிஸ சமூக கதையில் எல்லாமே பிரின்ஸிபிள்களா?
எதுவுமே விதிகள் இல்லையா?

உதாரணமாக சாலையில் எச்சில் துப்பக்கூடாது என்று பிரிஸ்னிஸ்பிள் இருந்தால், அந்த பிரின்ஸிலிப்ளை நடைமுறைபடுத்த ஸ்கேன்களும் போலீஸ்காரர்களும் இருந்தால், அந்த குற்றத்துக்கு தண்டனையாக அபராத தொகை இருந்தால், பிரின்ஸிபிளுக்கும் விதிமுறைக்கும் என்ன வித்தியாசம் நண்பர் தியாகு?

தியாகு said...

நான் ஏற்கனவே சொன்ன மாதிரி
இது ஒரு கற்பனை இது போலத்தான்
கம்யூனிச சமூகம் இருக்கும் என நினைக்க கூடாது என்று

ஆனால் மீண்டும் மீண்டும் கற்பனை கதையில் கேள்வி கேட்கிறீர்கள்

அது புரியுதா தமிழ் மணி

உங்கள் ஒவ்வொரு கேள்வியும் ஒரு மைய்ய கேள்வியில் அடங்கி இருப்பதால்

நான் மைய்யமான கேள்விக்கு பதில் சொல்லி இருக்கேன் நான்
ஒரு கேள்வி கேட்டு இருக்கேன்

அதுக்கு பதில் சொல்லுங்க பிறகு உங்களுக்கு பதில் சொல்கிறேன்

October 26, 2007

தியாகு said...

/ஆனால், நீங்கள் குறிப்பிட்ட கம்யூனிஸ சமூக கதையில் எல்லாமே பிரின்ஸிபிள்களா?
எதுவுமே விதிகள் இல்லையா?

உதாரணமாக சாலையில் எச்சில் துப்பக்கூடாது என்று பிரிஸ்னிஸ்பிள் இருந்தால், அந்த பிரின்ஸிலிப்ளை நடைமுறைபடுத்த ஸ்கேன்களும் போலீஸ்காரர்களும் இருந்தால்,
அந்த குற்றத்துக்கு தண்டனையாக அபராத தொகை இருந்தால், பிரின்ஸிபிளுக்கும் விதிமுறைக்கும் என்ன வித்தியாசம் நண்பர் தியாகு?//

நன்பர் தமிழ்மணிக்கு, உங்கள் ஆர்வம் பாராட்டத்தக்கது. கற்றுக் கொள்ளும் உங்கள் ஆர்வத்துக்குப் பாராட்டுக்கள்!

உங்களது கேள்விகளின் அடிப்படையில் எனக்கு உங்களுடைய புரிதலின்மையின் மைய்யம் எதுவென்று புரிகிறது.

உங்களது இந்தக் கேள்விக்கு நேரடியாக பதிலளிக்கும் முன்... மிக மிக சுருக்கமாக சில விஷயங்கள் உங்கள் புரிதலுக்காக -

இன்றைய சமுதாயம் வர்க்கங்களாகப் பிரிந்து கிடக்கிறது. கூடுதலாக இந்திய சமுதாயம் சாதிப்படி நிலைகளாக இருக்கிறது. இதில் இந்த சாதிகளை உறுதிப்படுத்துவது ஒருவன்
சார்ந்த வர்க்கமே. -- இப்போது நான் மேலே சொன்ன இந்த ஸ்டேட்மெண்ட்டே உங்களுக்கு புதிய குழப்பத்தை தோற்றுவிக்கலாம் -- உதாரணமாக ஒருவன் தலித்தாக இருக்கிறான்
ஒருவன் ஆண்டையாக இருக்கிறான்; இதில் தலித்துகள் தலித்துகளாகவே தொடர்வதற்கு சமூகக் காரணங்களைக் கடந்து பொருளாதாரக் காரணமும் இருக்கிறது. ஒரு வர்க்கம்
என்பது சமூகத்தில் நடக்கும் உற்பத்தியின் வெவ்வேறு கட்டத்தில் வெவ்வேறு மக்கள் கூட்டத்திற்கு இருக்கும் உறவுகளின் அடிப்படையில் அமைகிறது. இப்போது உழைக்கும் / நிலமற்ற
ஒரு வர்க்கமாக இருப்பதாலேயே தலித்துகளின் நிலை தொடர்ந்து ஒடுக்கப்படுவதாகவே இருக்கிறது.

ஏன் திராவிட இயக்கங்களின் தொடர் சமூகப் போராட்டங்களுக்குப் பின்னும் சாதி ஒழியவில்லை; ஏன் மார்க்சிய இயக்கங்களின் ( குறிப்பாக சிபிஎம் / சிபிஐ ) தொடர்ந்த
பொருளாதாரப் போராட்டங்களுக்குப் பின்னும் ஒடுக்கப்பட்ட/சுரண்டப்பட்ட வர்க்கங்கள் எழிச்சியுறவில்லை என்கிற கேள்விக்கு - திராவிட இயக்கங்கள் மக்களின் பொருளாதார
விடுதலையை கண்டுகொள்ளாமல் விட்டதும்.. மார்க்சிய இயக்கங்கள் மக்களின் சமூக நிலையைக் கண்டு கொள்ளாமல் விட்டதும் காரணம் என்று சொல்லலாம்..

இதனை இதற்கு மேலும் விரிவாகச் சொல்வது நீண்டு விடும்.. எனவே இது பற்றிய விவாதம் வேறு சமயத்தில் வைத்துக் கொள்வோம்.. இது வர்க்கம் பற்றி ஒரு சின்ன சித்திரத்தை
உங்களுக்கு தந்திருக்கும் என்று நினைக்கிறேன்.

இன்றைக்கு நம்முடைய சூழலில் இருக்கும் பல்வேறு சிக்கல்களுக்கு காரணம் வர்க்கங்களின் முரண்பாடு ஒரு காரணம் என்கிறோம். இந்திய சூழலில் உழைக்கும் மக்களுக்கும்
நிலபிரபுத்துவ வர்க்கத்துக்குமான முரண்பாடும்.. தரகு முதலாளிகள் / அதிகார வர்க்கத்தினருடனான முரண்பாடும் பிரதானமாய் இருக்கிறது.

இன்றைய அரைகாலனிய அரை நிலப்பிரத்துவ சமூக அமைப்பு முறை நடக்கப் போகும் புதிய ஜனநாயகப் புரட்சியில் மாற்றியமைக்கப்படும் ( இதில் அரை நிலப்பிரபுத்துவம் என்றால் என்ன?
நிலப்பிரபுத்துவம் என்றால் என்ன? அரை காலனியம் என்றால் என்ன? புதிய ஜனநாயகப் புரட்சி என்றால் என்ன? போன்ற கேள்விகள் கேட்க உங்களுக்கு வாய்ப்புகள் இருக்கிறது
விட்டு விடாதீர்கள் :) )

புதிய ஜனநாயகப் புரட்சிக்குப் பிந்தைய சமூகத்தில் பிரதானமாய் ஆளும் வர்க்கமாக பாட்டாளி வர்க்கமே இருக்கும். ( பாட்டாளி வர்க்கத்திற்கு சோசலிசப் புரட்சி தானே
இலக்கு.. அப்புறம் ஏன் இங்கே ஜனநாகப் புரட்சியில் ஈடுபடுகிறார்கள்? என்கிற கேள்வியையும் உங்கள் லிஸ்டில் சேர்த்துக் கொள்ளவும்)
இந்த சமூகத்திலும் முரண்பாடுகள் இருக்கும்.. அதிகாரம் இழந்த பழைய தரகு முதலாளிகளுக்கும் -ஆளும் வர்க்கமான் பாட்டாளி வர்க்கத்திற்கும் / வேலைகளில் முரண்பாடுகள் இருக்கும்
புதிய ஜனநாயகப் புரட்சியில் தேசிய முதலாளிகள் என்போரின் பங்கும் பாத்திரம் வகிக்கும்.. அதன் பின்னான சமூகத்தில் இவர்களும் பாட்டாளி வர்க்கத்தோடு முரண்படுவர்..
இந்த சமூகத்தில் தனிச் சொத்துடைமை இருக்கும்..

அடுத்த சோசலிச சமூகத்தில் இந்த முரண்பாடுகள் கலைவதோடு.. தனிச்சொத்துடைமையில் இருந்து பொதுச்சொத்துடைக்குப் போவதற்கான முயற்சிகள் எடுக்கப்படும்..
அதிகாரம் மைய்யப் படுத்தப்படுவதில் இருந்து பரவலாக்கப்படும்.. இங்கும் முரண்பாடுகள் இருக்கும். மூளை உழைப்பு - உடல் உழைப்பு.. பழைய தேசிய முதலாளிகள் - பாட்டாளி வர்க்கம்..
மற்றும் சர்வதேசிய அழுத்தங்களும் சேர்ந்து கொள்ளும்..

இதுவும் அடுத்தப் புரட்சியின் மூலம் பிற்போக்கு சக்திகள் தோற்கடிக்கப்பட்ட பாட்டாளி வர்க்கம் சமூகத்தை கம்யூனிச சமுதாயம் நோக்கி வழி நடத்தும்.

இங்கே உங்கள் கேள்வியில் இருக்கும் சிக்கல் என்னவென்றால் இன்றைய சமூகத்தில் இருந்து நீங்கள் முன்னேறிய ஒரு சமூகத்தைக் கற்பனை செய்து பார்ப்பது தான்.

"கம்யூனிஸ சமுதாயத்தில் போலீஸ் இருக்காது" என்று நான் சொன்னால் "காவலர் உங்கள் நன்பர்" என்கிற வாசகத்தைக் கேட்டு வளரும் உங்களுக்கு அப்படியான கேள்விகள்
எழுவது இயல்பானது என்பதை என்னால் புரிந்து கொள்ள முடிகிறது.

உங்களுக்கு மேம்போக்காக.. " போலீஸ் குற்றம் நடக்கும் போது தான் தேவை.. குற்றம் இல்லாமை இருப்பதால் தான் வருகிறது.. இல்லாமையை ஒழித்து விட்டால் குற்றம்
நிகழாது.. குற்றம் இல்லாத சமுதாயத்தில் போலீசு தேவையில்லை" என்றும் பதில் சொல்லி இருக்கலாம்.. ஆனால் உங்களது ஆர்வம் என்னை இவ்வளவு நீளமான விளக்கத்தை
கொடுக்க தூண்டியது..

அடுத்து Rules & Principles... உங்கள் வீட்டில் பல்துலக்கியதும் பிரஷ்ஷை ஒரு இடத்தில் வைக்கும் வழக்கம் இருக்கிறது என்று வைத்துக் கொள்ளுங்கள்.. இது ஒரு ரூலாக
இருந்தால் கன்கானிக்க ஆள் தேவை.. தண்டிக்க சில முறைகள் தேவை.. ஆனால் அதுவே எல்லோரும் ஒப்புக்கொண்ட ஒரு நடைமுறையாக இருக்கிறது என்று வைத்துக்கொள்ளுங்கள்
( அப்படித்தனிருக்கும் என்று நினைக்கிறேன் ;) ) அப்போது கண்கானிக்கும் ஆளுக்கும் வேலையில்லை.. தண்டிக்க சட்டமும் தேவையில்லை!

இந்த விளக்கங்கள் உங்களுக்கு புதிய சில கேள்விகளைத் தோற்றுவித்திருக்கும் என்று புரிகிறது.. அந்தக் கேள்விகளோடு மீண்டும் வாருங்கள்.. நானும் மார்க்சியத்தில் பண்டிதம்
பெற்றவனில்லை.. ஆனாலும் எனது புரிதல் மட்டத்திற்கு உட்பட்டு உங்களுக்கு விளக்க முயல்கிறேன். எங்கள் தோழர்களும் இந்த விவாதத்தில் பங்கு பெறுவார்கள்..

நாம் இனைந்து முன்னேறுவோம்!

வாழ்த்துக்கள்

October 26, 2007

என் பதில்.

//உங்கள் வீட்டில் பல்துலக்கியதும் பிரஷ்ஷை ஒரு இடத்தில் வைக்கும் வழக்கம் இருக்கிறது என்று வைத்துக் கொள்ளுங்கள்.. இது ஒரு ரூலாக
இருந்தால் கன்கானிக்க ஆள் தேவை.. தண்டிக்க சில முறைகள் தேவை.. ஆனால் அதுவே எல்லோரும் ஒப்புக்கொண்ட ஒரு நடைமுறையாக இருக்கிறது என்று வைத்துக்கொள்ளுங்கள்
( அப்படித்தனிருக்கும் என்று நினைக்கிறேன் ;) ) அப்போது கண்கானிக்கும் ஆளுக்கும் வேலையில்லை.. தண்டிக்க சட்டமும் தேவையில்லை!
//

இது சின்னவயதிலிருந்தே வீட்டுக்குள் இருக்கும் அதிகாரத்தில் உள்ள பெற்றோர், முதியவர்கள் அடித்தும், சொல்லியும் உருவாகும் விதி.

இது எல்லோருக்கும் உபயோகமான விதி என்று வீட்டுக்குள் அதிகாரத்தில் உள்ள பெற்றோர் சொல்லி வருவது.
குழந்தைகள் அந்த விதியை பழகி அந்த விதியை தன்னுடையதாக ஏற்றுக்கொள்கிறார்கள்.

விதி என்று ஒன்று இருக்கிறது. அந்த விதியை நிறுவதற்கும், தொடர்ந்து அமல் படுத்துவதற்கும் அதிகாரமுள்ள ஒரு குழு இருக்கத்தான் செய்கிறது.
நீங்கள் சொல்கின்ற பழங்குடி சமுதாயத்திலும் கூட அதிகாரம், தலைவர் என்று இருந்தது.

அதிகாரம் இல்லாத மனிதக்குழு உலகத்தில் இருந்ததே இல்லை.

26. Oktober 2007 06:43

தியாகு said...

வீட்டில் இருப்பவர்கள் ஒப்பு கொண்ட நடைமுறைக்கு பேர் விதியல்ல

அதுக்கு பெயர் விதி அல்லவே அல்ல

அது ஒப்புகொள்ளப்பட்ட நடைமுறை

ஒரு சிறுவனுக்கு வேண்டுமானால் சின்ன வயதில் படுக்கையில் மூத்திரம் போகாதே எனும் விசயத்தை விதியாக சொல்வார்கள் அடிப்பார்கள் உதைப்பார்கள்

ஆனால் அவன் பெரியவன் ஆனதும் அவனே புரிந்து கொள்கிறான்

அவனே புரிந்து கொள்ளாதவரை விதிகள் தேவை ஒத்து கொள்கிறேன்

அதான் சோசலிசம் வரை விதிகள் இருக்கும்

ஆனால் அவனே எப்போது புரிந்து கொள்கிறானோ அப்போது விதிகள் இல்லாமல் போய்விடுகிறது

இப்போது அவன் படுக்கையில் மூத்திரம் இருப்பதில்லை ஏனெனில் அவனுக்கே அது தெரியும்

அதே நேரம் இந்த மாதிரி விசயத்துக்கு எப்படி அம்மாவும் அப்பாவும் அடித்து சொல்லவும் மாட்டார்கள்

இப்போது புரிகிறதா விதிகள் முழுமை பெறும் ஒரு காலம் சமூகத்தில் வரும்
என

அதுவரை விதிகள் இருக்கும்

நன்றி

October 26, 2007

என் பதில்

//
ஆனால் அவனே எப்போது புரிந்து கொள்கிறானோ அப்போது விதிகள் இல்லாமல் போய்விடுகிறது
//

ஒரு தனி மனிதன் புரிந்துகொள்ள வைக்கப்படுகிறான். அப்போது அவனுக்கு விதிகள் இல்லாமல் இல்லை. விதியை அவன் தன்னுடையதாக சுவீகாரம் செய்துகொள்கிறான்.

//
இப்போது அவன் படுக்கையில் மூத்திரம் இருப்பதில்லை ஏனெனில் அவனுக்கே அது தெரியும்

அதே நேரம் இந்த மாதிரி விசயத்துக்கு எப்படி அம்மாவும் அப்பாவும் அடித்து சொல்லவும் மாட்டார்கள்
//

எப்போதாவது படுக்கையில் மூத்திரம் போய்விட்டால் நிச்சயம் அவனதுஅப்பாவும் அம்மாவும் அவனை கண்டிப்பார்கள்

//
இப்போது புரிகிறதா விதிகள் முழுமை பெறும் ஒரு காலம் சமூகத்தில் வரும்
என

அதுவரை விதிகள் இருக்கும்

நன்றி
//

விதிகள் எப்போதும் முழுமை பெறாது. விதிகள் தொடர்ந்து மாறிக்கொண்டே இருக்கும். காலத்துக்கேற்ப, சூழ்நிலைக்கு ஏற்ப, புது தொழில்நுட்பத்துக்கு ஏற்ப மாறிக்கொண்டே இருக்கும்

நன்றி

தியாகு said...

தமிழ் மணி எந்த அடிப்படையில் விதிகள் எப்போதும் முடிவு பெறாது என சொல்கிறீர்கள் .

விளக்குங்கள்

October 27, 2007

என் பதில்
//தமிழ் மணி எந்த அடிப்படையில் விதிகள் எப்போதும் முடிவு பெறாது என சொல்கிறீர்கள் .

விளக்குங்கள்
//
விதிகள் எப்போதுமே முழுமை பெறாது. விதிகள், சட்டங்கள், ஆகியவை தொடர்ந்து மாறிக்கொண்டே இருக்கும். மாறிக்கொண்டே இருக்கவேண்டும். தற்போது ஒரு நாட்டுக்கு ஒரு அரசியல் சட்ட அமைப்பு உருவானதால், அந்த சட்ட அமைப்பில் மாற்றமே நிகழக்கூடாது என்று பொருள் அல்ல. அந்த சட்ட அமைப்பை மாற்றக்கூடிய விதமும் அந்த சட்டத்திலேயே எழுதப்படவேண்டும்.
ஏன் எழுதுகிறார்கள். ஏனெனில், 1940இல் இருக்கும் சமூக சூழ்நிலைகள் போல, 2007இல் இருக்காது. எதிர்காலத்தில் என்ன என்ன சமூக பிரச்னைகள் வரும், வராது என்பதை 1940இலேயே கணிக்க எவராலும் முடியாது. அப்படிப்பட்ட சூழ்நிலை மாறுதல்கள் ஆயிரக்கணக்கான விஷயங்களால் வரலாம். உதாரணமாக, செல்போனை பள்ளிக்கூடங்களுக்குள் உபயோகப்படுத்தக்கூடாது என்ற சட்டத்தை எடுத்துக்கொள்வோம். இந்த சட்டத்தை செல்போனே இல்லாத காலத்தில் யோசிக்க முடியுமா? முடியாது.
ஆகவே, காலத்துக்கு ஏற்றாற்போல தொழில்நுட்பத்துக்கு ஏற்றாற்போல புது சட்டங்களை உருவாக்கவும், பழைய சட்டங்களை மாற்றவும் வேண்டும்.

தியாகு said...

நண்பர் தமிழ் மணி

எல்லாமே மாறிக்கொண்டும் இயங்கிகொண்டும் இருக்கின்றன

விதி என்பது மாறாது என்பது இயக்க மறுப்பியல் வாதம்

சமூகத்தில் நடைமுறையில் இருக்கும் தற்போது இருக்கும் விதிகள் அப்படியே இருக்கும் என்று நீங்கள் சொன்னால்
சமூகம் மாறாது என்று அர்த்தமாகிறது .

ஆனால் சமூகம் மாறும் என்பதை ஒத்து கொள்கிறீர்கள்
ஆனால் இந்த விதிகள் அப்படியே தான் இருக்கும் என்று சொல்கிறீர்கள் .இதான் முரண்பாடு

ஒரு சமூகம் மாறும் போது விதிகளும் மாறும்

விதியே தன்னளவில் மாறும் போது அது "ஏற்றுக்கொள்ளப்பட்ட நடைமுறை எனும் நிலையை எடுக்கும் "

இதை விளக்கத்தான் உங்களுக்கு தூக்கத்தில உச்சா போற உதாரணத்த சொன்னேன்

சின்ன குழந்தையாக இருக்கும் போது உச்சா போற குழந்தையை சொல்லியும் அடித்தும் திருத்துகிறார்கள்

அதுவே அவன் பெரியவனானதும் அந்த விதியின் உண்மை நிலையை உணர்ந்து ஏற்று கொள்கிறான் .

திரும்ப அவன் தவறு செய்வதில்லை

அதைத்தான் ஏற்றுகொள்ளப்பட்ட நடைமுறை என்றேன்

நீங்கள் திரும்ப செய்வான் என்கிறீர்கள்

இது விதண்டாவாதம் தானே

மேலும் கேள்விகள் இருந்தால் தர்க்கபூர்வமானதாக இருந்தால் கேளுங்கள்

October 27, 2007

என் பதில்

//சமூகத்தில் நடைமுறையில் இருக்கும் தற்போது இருக்கும் விதிகள் அப்படியே இருக்கும் என்று நீங்கள் சொன்னால்
சமூகம் மாறாது என்று அர்த்தமாகிறது .

ஆனால் சமூகம் மாறும் என்பதை ஒத்து கொள்கிறீர்கள்
ஆனால் இந்த விதிகள் அப்படியே தான் இருக்கும் என்று சொல்கிறீர்கள் .இதான் முரண்பாடு
//

நான் எங்கே சொன்னேன். விதிகள் மாறிக்கொண்டே இருக்கும். விதிகள் முழுமை பெறாது என்று சொன்னேன். நீங்கள்தான், விதிகள் முழுமை பெறும் காலம் வரும் என்று சொன்னீர்கள்.

//
ஒரு சமூகம் மாறும் போது விதிகளும் மாறும்

விதியே தன்னளவில் மாறும் போது அது "ஏற்றுக்கொள்ளப்பட்ட நடைமுறை எனும் நிலையை எடுக்கும் "

இதை விளக்கத்தான் உங்களுக்கு தூக்கத்தில உச்சா போற உதாரணத்த சொன்னேன்

சின்ன குழந்தையாக இருக்கும் போது உச்சா போற குழந்தையை சொல்லியும் அடித்தும் திருத்துகிறார்கள்

அதுவே அவன் பெரியவனானதும் அந்த விதியின் உண்மை நிலையை உணர்ந்து ஏற்று கொள்கிறான் .

திரும்ப அவன் தவறு செய்வதில்லை

அதைத்தான் ஏற்றுகொள்ளப்பட்ட நடைமுறை என்றேன்
//
ஏற்றுக்கொள்ளப்பட்ட நடைமுறைக்கும் விதிக்கும் வித்தியாசம் இல்லை என்று சொல்கிறேன்.
அது விதிதான். அந்த விதியோடு முழுவதும் ஒருவன் ஒத்துழைப்பதாலேயே, அது விதி அல்ல என்று கூற முடியாது.

//
நீங்கள் திரும்ப செய்வான் என்கிறீர்கள்

இது விதண்டாவாதம் தானே

மேலும் கேள்விகள் இருந்தால் தர்க்கபூர்வமானதாக இருந்தால் கேளுங்கள்
//
ஒரு பெரும் சமூகத்தில் ஒரு குறிப்பிட்ட சதவீதத்தினர் விதிமுறைகளுக்கு மாற்றாக செய்யக்கூடியவர்களாகத்தான் இருப்பார்கள். எந்த சமூகத்திலும். அந்த நபர்களே அந்த சமூகம் மாறுதலடைய காரணமாக இருக்கிறார்கள்.

தியாகு said...

அப்போ சமூக மாற்றம் நடக்கும் என்கிறீர்கள்

அதாவது சமூகத்தின் விதிகளை அலட்சியம் செய்பவர்களால் அது நடக்கும் என்கிறீர்கள் சரிதானே


சமூகத்தின் விதிகளை அலட்சியம் செய்வது யார்

இதற்கு முன்பு அப்படி அலட்சியம் செய்தவர்களால்

சமூக மாற்றம் ஏற்பட்டு இருப்பின் அது எந்த சமூகம் எந்த சமூகத்தில் இருந்து மாறியது?\

நீங்கள் சொன்னதற்கேற்ப அலட்சிய படுத்தப்பட்ட விதி எது ? ஏன் அலட்சியபடுத்தப்பட்டது?

29. Oktober 2007 00:41

தமிழ்மணி said...

//நீங்கள் சொன்னதற்கேற்ப அலட்சிய படுத்தப்பட்ட விதி எது ? ஏன் அலட்சியபடுத்தப்பட்டது?//

அவற்றுக்கு பிறகு வரலாம்.
தற்போது, எந்த சமூகமாக இருந்தாலும் விதிகள் உண்டு, அவைகளை மாற்றவேண்டிய அவசியமும், புது விதிகளை உருவாக்கவேண்டியதும் உண்டு என்று ஒப்புக்கொள்கிறீர்களா?

நன்றி

29. Oktober 2007 05:12

தியாகு said...

தவறான புரிதல்
மேலும் அதையே சரியென சொல்ல சொல்லும் ஒரு கருத்து குருடு நிலைக்கு போய்விட்டீர்கள்

விதிகள் இயங்கியல் படி "ஏற்றுகொள்ளப்பட்ட நடைமுறை"
என்ற வடிவம் அடையும்

அதாவது விதி சட்டம் -தண்டனை

எனும் வடிவங்கள் மாறிவிடும் கம்யூனிச சமூகத்தில் இதை ஒப்புகொள்கிறீர்களா இல்லையா?

29. Oktober 2007 05:15

தமிழ்மணி said...

//தவறான புரிதல்
மேலும் அதையே சரியென சொல்ல சொல்லும் ஒரு கருத்து குருடு நிலைக்கு போய்விட்டீர்கள்

விதிகள் இயங்கியல் படி "ஏற்றுகொள்ளப்பட்ட நடைமுறை"
என்ற வடிவம் அடையும்

அதாவது விதி சட்டம் -தண்டனை

எனும் வடிவங்கள் மாறிவிடும் கம்யூனிச சமூகத்தில் இதை ஒப்புகொள்கிறீர்களா இல்லையா?//

இல்லை.
மீண்டும் சொல்கிறேன்.
விதிக்கும் ஏற்றுகொள்ளப்பட்ட நடைமுறை என்பதற்கும் வித்தியாசம் கிடையாது.
எல்லா சமூகங்களிலும் விதிகள் உண்டு.

கம்யூனிஸ சமூகம் என்று நீங்கள் சொல்லும் கற்பனை சமூகத்திலும் விதிகள் இருந்தே ஆகவேண்டும். விதிகளை எல்லோரும் ஒப்புக்கொண்டாலும், விதிகள் இருக்கின்ற்ன.

29. Oktober 2007 05:20

தியாகு said...

இப்ப என்ன செய்யலாம்

29. Oktober 2007 05:22

தியாகு said...

சொன்னதையே திரும்ப திரும்ப சொன்னால் அதுதான் விவாதமா

நண்பரே புல்லரிக்குது

29. Oktober 2007 05:23

தமிழ்மணி said...

முன்பு விதிகள் முழுமையடையும் நாள் வரும் என்று சோன்னீர்கள்.
விதிகள் முழுமையடையாது என்று காட்டினேன்.
விதிகள் முழுமையடையாது என்றால், விதிகளை மாற்றவும், உருவாக்கவும் அமைப்பு வேண்டும்.
சிந்தித்துப்பாருங்கள்.

29. Oktober 2007 05:23

தியாகு said...

விதிகள் மாறாது விதியாத்தான் இருக்கும் என்றீர்கள்

நான் இயக்கவியல் முறைப்படி

எந்த ஒன்றும் நிலையானதல்ல என்றேன்

விதிகள் சட்டம் எனும் நிலை அரசு தோன்றும் போது தோன்றிய கருத்துரு

அரசு என்பது உதிரிம் போது விதிகள்

நிச்சயம் உதிரும் அதாவது விதிகள் தண்டனை எனும் நிலை மாறி

விதிகள் ஏற்று கொள்ளப்பட்ட நடைமுறை எனும் நிலைபாட்டுக்கு மாறும் இதன் மூலம் விதிகள் தனது வளர்ச்சியை நிறைவு செய்யும் என சொல்லியாச்சு

விதி மாறாது விதி மாறாது எனும் கிளிபிள்ளை மாதிரி சொன்னதையே சொல்லாதீங்க நண்பா


29. Oktober 2007 05:27

தமிழ்மணி said...

எல்லா சமூகங்களிலும் விதிகள் இருக்கும் என்பது ஒரு விதி அல்ல. அது வரைமுறை. தண்ணீர் ஹைட்ரஜன் இரண்டு மூலக்கூறுகளும் ஆக்ஸிஜனும் இணைந்தது என்பது போல.

எல்லா சமூகங்களிலும் விதிகள் என்பது இருக்கும். சமூகம் என்றால் விதிகளும் இருக்கும். சாலை என்றால், அதனை பலர் பயன்படுத்த வேண்டும் என்றால், அந்த சாலையை பயன்படுத்தும் விதிகள் உருவாக்கப்படவேண்டும், சமயத்துக்கு ஏற்ப மாற்றப்படவேண்டும். இதற்கும் நீங்கள் கூறும் வர்க்கம், உறவுமுறைகள், உற்பத்திக்கும் என்ன சம்பந்தம்?


நீங்கள் சொன்னது வேறு. விதிகள் முழுமையடைந்த பின்னால், அவை நடைமுறைகளாக எல்லாராலும் ஏற்றுக்கொள்ளப்படும் என்று சொன்னீர்கள். அப்போது விதிகள் உதிர்ந்துவிட்டதாக கருதலாம் என்று சொன்னீர்கள்.

அப்போதும் விதிகள் உதிரவில்லை. அத்தோடு முழுமையாக ஒத்துழைப்பது விதிகள் உதிர்ந்துவிட்டதாக ஆகாது என்று காட்டினேன்.

அப்படி சமூகத்தில் விதிகளும் முழுமையடையாது என்றும் காட்டினேன்.

தொழில்நுட்பம், சமூக சூழ்நிலை, விபத்துகள் என்று ஆயிரம் காரணங்கள் காரணமாக விதிகள் மாறும், புதுவிதிகள் உருவாகும் என்றும் காட்டினேன்.

ஒரே ஒரு கோஷத்தை சுற்றி சுற்றி மீண்டும் மீண்டும் கூறுவது யார் என்று சிந்தித்துப்பாருங்கள்.


29. Oktober 2007 06:22

தியாகு said...

//எல்லா சமூகங்களிலும் விதிகள் என்பது இருக்கும். சமூகம் என்றால் விதிகளும் இருக்கும். சாலை என்றால், அதனை பலர் பயன்படுத்த வேண்டும் என்றால், அந்த சாலையை பயன்படுத்தும் விதிகள் உருவாக்கப்படவேண்டும், சமயத்துக்கு ஏற்ப மாற்றப்படவேண்டும். இதற்கும் நீங்கள் கூறும் வர்க்கம், உறவுமுறைகள், உற்பத்திக்கும் என்ன சம்பந்தம்?//

விதிகள் விதிகளாக இருப்பதில் இருந்து வளர்ச்சி அடையும் என்பது உற்பத்தி பொருத்து உற்பத்தி உறவுகள் மாறும் எனும் விதியை பொறுத்து அனைத்தும் மாறும்

விதிகள் அதன் இயக்கவியல் போக்கில் மாறி ஏற்றுக்கொள்ளப்பட்ட நடைமுறையாக மாறும் அதான் பிரின்ஸ்பல் என்றேன்

ஏற்றுகொள்ளப்பட்ட நடைமுறைகளால் இயங்கும் சமூகமாக இருக்கும்

ரோடு இருந்தா பஸ்சிருக்கும்
பெட்ரோல் இருக்கும்னு மீண்டும் அதையே பேசி போரடிக்காதீங்க தமிழ் மணி

ஒரு விதை தனது வளர்ச்சிப்போக்கில்
எப்படி மரம் எனும் நிலையை அடைகிற்தோ

அதேப் போல விதியும் தனது வளர்ச்சிப்போக்கில்

ஏற்றுக்கொள்ளப்பட்ட நடைமுறை எனும் இடத்தை அடையும்

ஆனா நீங்க மரத்தை விதைன்னுதான் சொல்லுவேன் என்றால் நான் ஒன்னும் சொல்லமுடியாது

நாய் குட்டி என்பது வேறு பெரிய நாய் என்பது வேறு நாய் வயிற்றில் இருக்கும் கரு என்பது வேறு

விதிகளும் ஏற்றுகொள்ளப்பட்ட நடைமுறையும் இப்போ முரண்படும் உதாரணத்தை பார்போம்

வயது வந்த எல்லா ஆணும் பெண்ணும் திருமணம் செய்யலாம் என்பது சட்டவிதி

ஆனால் ஒரு சகோதரன் தன் உடன் பிறந்த சகோதரியை ஒரு தாய் தான் பெத்த மகனை மணம் முடிப்பதில்லை
இதற்க்கு பேர் தான் ஏற்றுகொள்ளப்பட்ட நடைமுறை என்பது
ஆக இது ஒரு கட்டத்தில் விதியாக இருந்தது என்பதை நான் மறுக்கவில்லை ஆனால் இப்போ அது ஏற்றுகொள்ளப்பட்ட நடைமுறையா ஆகிடுச்சு

யாரும் இதை நினைத்துகூட பார்ப்பதில்லை இது ஒரு விதியான்னு
\
உங்களுக்கு விதிக்கும் ஏற்றுகொள்ளப்பட்ட நடைமுறைக்கும் வித்தியாசம் தெரியனும்

திறமைகேற்ற உழைப்பு
தேவைக்கேற்ற ஊதியம் என்பது

ஏற்றுகொள்ளப்பட்ட ஒரு நடைமுறையா கம்யூனிசத்தில் இருக்கும்


29. Oktober 2007 06:35

தமிழ்மணி said...

//ஆக இது ஒரு கட்டத்தில் விதியாக இருந்தது என்பதை நான் மறுக்கவில்லை ஆனால் இப்போ அது ஏற்றுகொள்ளப்பட்ட நடைமுறையா ஆகிடுச்சு //
இன்னொரு உதாரணம் கொடுத்துள்ளீர்கள்.
தயவு செய்து இதனை எடுத்துச்சென்று உங்கள் தோழர்களிடம் கேளுங்கள்.
ஏற்றுக்கொள்ளப்பட்ட நடைமுறை என்பது மக்களால் ஒப்புக்கொள்ளப்பட்ட விதி. அவ்வளவுதான்.
இன்றும் செய்தித்தாளில் சகோதரனை திருமணம் செய்துகொண்ட சகோதரி விஷயம் வந்திருக்கிறது. அது சட்டபூர்வமல்ல என்று நீதிமன்ற்ம் கூறும்.


29. Oktober 2007 06:47

தியாகு said...

உங்களுடன் பேசிகொண்டு இருந்தால்

என் விதி மாறிடும் என்பது மட்டும் தெரியுது

வேற எதாவத் பேசலாமா நண்பரே :))


29. Oktober 2007 06:49

தமிழ்மணி said...

//ரோடு இருந்தா பஸ்சிருக்கும்
பெட்ரோல் இருக்கும்னு மீண்டும் அதையே பேசி போரடிக்காதீங்க தமிழ் மணி
//
போரடிப்பதற்கு மன்னிக்கவும்.
ஆனால், நான் அதனை சொல்லவில்லை. நான் சொல்வது வேறு.
கார் இருந்தால், கார் ஓட்ட சாலை வேண்டும். பலர் ஒரு சாலையை உபயோகப்படுத்த வேண்டுமெனில், அனைவரும் ஒப்புக்கொள்ளக்கூடிய விதிமுறைகள் உருவாக்கப்படவேண்டும். அவை enforce செய்யப்படவேண்டும். அப்போதுதான் எல்லோரும் சாலையில் கார் ஓட்டமுடியும்.
எல்லோரும் ஒப்புக்கொள்வதாலேயே அவை விதிமுறைகள் அல்லாமல் போய்விடாது. எல்லோரும் ஒப்புக்கொள்ள மாட்டார்கள். ஒரு சிலர், இங்கே ஏன் ஸ்டாப் சிக்னல் இருக்கவேண்டும். இங்கே ஸ்டாப் சிக்னல் இருப்பது மக்களுக்கு இடையூறு என்று குரல் எழுப்புவார்கள். அதனால், அது விசாரணை செய்யப்படும். அதன் பின்னால், அந்த ஸ்டாப் சைன் அங்கிருந்து நீக்கப்படலாம். அல்லது அங்கேயே இருக்கலாம். அல்லது இந்த நேரங்களில் இங்கே சிக்னல் இருக்காது என்று மாறுதல் அடையலாம்.
இதனைத்தான் சொல்கிறேன்.


29. Oktober 2007 06:53

தமிழ்மணி said...

ஆகவே, பலர் பங்கு பெறும் எந்த சமூகமாக இருந்தாலும் விதிமுறைகள் வேண்டும்.

அந்த விதிமுறைகள் ஏதேனும் ஒரு வகையில் உருவாக்கப்படவேண்டும்.
அந்த விதிமுறைகள் ஏதேனும் ஒரு வகையில் மறு பரிசீலனை செய்யப்படவும் வேண்டும்.
அந்த விதிமுறைகளை enforce செய்ய அமைப்பு வேண்டும்.
அந்த விதிமுறைகளை தவறுபவர்களுக்கு தண்டனை வேண்டும்.


29. Oktober 2007 07:02

தியாகு said...

நண்பர் தமிழ் மணி,
நீங்கள் கேட்ட கேள்விக்கு பதில் அளித்து விட்டேன் .

வேறு கேள்விகள் இருந்தால் கேளுங்கள்
மேலும் நானும் இடையே உங்களை கேள்வி கேட்பேன் என்பதை மறக்காதீங்க

விதி பற்றிய உங்கள் இயக்கவியல் முரண்பாட்டோடு என்னால் ஒத்துபோக முடியாது .

29. Oktober 2007 21:39

தமிழ்மணி said...

//கார் இருந்தால், கார் ஓட்ட சாலை வேண்டும். பலர் ஒரு சாலையை உபயோகப்படுத்த வேண்டுமெனில், அனைவரும் ஒப்புக்கொள்ளக்கூடிய விதிமுறைகள் உருவாக்கப்படவேண்டும். அவை enforce செய்யப்படவேண்டும். அப்போதுதான் எல்லோரும் சாலையில் கார் ஓட்டமுடியும்.
எல்லோரும் ஒப்புக்கொள்வதாலேயே அவை விதிமுறைகள் அல்லாமல் போய்விடாது. எல்லோரும் ஒப்புக்கொள்ள மாட்டார்கள். ஒரு சிலர், இங்கே ஏன் ஸ்டாப் சிக்னல் இருக்கவேண்டும். இங்கே ஸ்டாப் சிக்னல் இருப்பது மக்களுக்கு இடையூறு என்று குரல் எழுப்புவார்கள். அதனால், அது விசாரணை செய்யப்படும். அதன் பின்னால், அந்த ஸ்டாப் சைன் அங்கிருந்து நீக்கப்படலாம். அல்லது அங்கேயே இருக்கலாம். அல்லது இந்த நேரங்களில் இங்கே சிக்னல் இருக்காது என்று மாறுதல் அடையலாம்.
இதனைத்தான் சொல்கிறேன்.
//

நண்பர் தியாகு,
மேற்கண்ட process உங்களது கற்பனை சமூகத்தில் இருக்காது என்று சொல்கிறீர்களா?

நன்றி

30. Oktober 2007 06:49